[CHAPTER 54]
◌●◌
PAULIT-ULIT ANG nakikita ng dalaga. Hindi niya na mabilang kung ilang beses niya na iyong nasaksihan. Ngunit bakit kahit makailang ulit na napakahirap at masakit pa rin sa dibdib? Muling tumulo ang luha ni Francine. Ilang beses na ba siyang nagpaalam kay Chaos? Hindi niya na mabilang. Dahil sa kagustuhan ng ama niya ay nagsinungaling siya rito. Ang paalam niya sa kasintahan ay babalik na siya ng Fortress. Hindi niya alam kung kailan muling lalabas doon. Bakit naging makasarili siya nang mga sandaling iyon at sinabi pa sa binata na hintayin siya?
Nang papauwi na siya sa kanilang tahanan saka naman siya tinawagan ni Luna—ang tanging babaeng naging kaibigan niya. Magulo man ang isipan niya nang mga sandaling iyon, pinuntahan niya kaagad ang kaibigang nanghihingi ng tulo
