[CHAPTER 55]
◌●◌
NALAMAN NG DALAGA na dalawang linggo na siyang natutulog magsimula nang mangyari ang ingkwentro sa pagitan ng mga kalaban. Ibig sabihin din niyon, ganoon karaming araw niyang paulit-ulit na napapanaginipan ang mga maling desisyong nagagawa sa buhay. Ngunit sa mga kamaliang iyon, hinding-hindi niya pagsisihan ang pagtulong sa kaibigan. Ipinapanalangin niya lang talaga na nasa mabuting kalagayan si Luna at hindi ito nasundan ng mga kalabang humahabol dito.
Ngayon, kalmado na siyang nakahiga sa kwartong ginagamit niya sa bahay ng mga Foix. Nakatingin siya ngayon sa bintana habang nakahilig sa dibdib ni Chaos.
Nakapikit ang mga mata ng dalaga. Pinapakinggan niya ang pagtibok ng puso ng binata. Sa mga nakalipas na oras, ang tangi nilang ginawa ay pag-usapan ang mga pan
