Halos ang lahat ng mga ito ay duguan at wala ng malay. Tanging ako na lamang, si Lauriel at Nola ang nanatiling nakatayo pa. Hindi mahagilap ng aking mga mata sina Treyni at hindi ko alam kung saan na sila na punta. Isang marahas na hangin ang aking pinakawalan at tinignan ang sugatang Nola sa aking harapan.
“Ano ang nangyari?” Tanong ko.
Sa pagkakaalam ko ay saglit lamang akong nakapikit. Malabong sa mga oras na iyon ay bigla na lamang nawala sina Sam, Treyni at Draco.
Hindi umimik itong si Nola at bagkos ay nanatili itong nakatitig sa higanteng palaka na nasa aming harapan.
“Nola.”
Muli kong tawag sa kaniya ngunit bigla na lamang nitong itinaas ang kaniyang kamay at nawala sa aking harapan.
Saan na naman iyon nagpunta? May tinatanong pa ako pero bigla na lamang siyang tumakas.
“T
