Ang katulong na ang naglinis sa kusina pagkatapos nilang naghapunan. At dahil init na init si Denisse sa panahon kahit tube na lang halos ang pang-itaas niya, gusto niyang maligo sandali.
Umakyat siya sa ikalawang palapag para kumuha ng pantulog. Kung sa Hacienda Luna ay kanina pa siya nagtampisaw sa pool para ma-relax ang katawan. Hindi rin biro ang maghanda ng hapunan lalo na't hindi naman tumulong si Bennett sa kanya. At talagang hindi siya nagpatulong kahit sa katulong dahil gusto niyang magpa-impress kay Dominico.
At ang supladong 'yun, hindi man lang nagpakita ng interes sa niluto niya. Kaunti nga lang ang kinain nito at idinaan na lang sa kape ang pagkabusog. Gusto niyang malaman kung ano ang paborito nitong menu para mapag-aralan niya. Imposibleng hindi niya makuha ang k
