Nagulat si Denisse sa maiksing halik na 'yun ni Dominico. Natulala siya at ilang sandaling hindi nakakilos. Kung kailan kilig na kilig na siya at malapit na siyang bumigay at ibigay ang V-card niya, saka naman ito nagpakita ng kawalan ng interes. To think na inabutan pa siya nitong kita ang gilid ng dibdib niya.
Damn. Ang hirap talagang hanapin ang kiliti ng lalaking 'yun.
Ang totoo'y nainsulto siya. Ganoon pala kapag ipinipilit mo na ang sarili mo sa taong gusto mo pero hindi ka talaga niya gusto.
Pero hindi siya susuko. Maaakit niyang muli si Dominico at magtatagumpay siya sa pagkakataong ito.
Nagbihis siya pagkatapos ay bumaba sa komedor. Wala rin doon si Dominico dahil narinig niyang umalis ang sasakyan nito. Ibig sabihin ay iniiwasan siya.
Pagkatapos kumain ay nagtungo na sila sa
