"Inasikaso ko na ho ang bills natin para mailipat na si Bennett sa ospital sa Maynila, Papa." Galing si Dominico sa billing department ng ospital para ipa-compute kung magkano ang babayaran nila. "Aalis ho muna ako para puntahan si Dash Silvestre."
"At gusto mo talagang agawan ng mapapangasawa ang kapatid mo?"
Napalingon siya sa Papa niya na kahapon pa hindi siya gaanong kinikibo mula nang manggaling sila sa Hacienda Luna. Hindi naman niya pinansin
"Hindi ko ho inagawan si Bennett ng mapapangasawa. Narinig niyo ho ang sinabi ni Dash Silvestre na wala na siyang balak ipakakasal ang anak niya kay Bennett."
"Mapapapayag ko pa 'yun kung hindi ka nakialam!"
Nagulat siya sa pagtaas ng boses ng Papa niya.
"Kahit si Denisse ay hindi gustong magpakasal sa anak niyo." Bagama't mahinaho
