Pagkatapos ihatid ni Denisse ang mga kaibigan sa parking lot ay bumalik siya sa hotel para doon na lang maghapunan. Tinatamad siyang magpunta sa hacienda dahil inaanyayahan siya ng malamig na swimming pool. Tamang-tama, magpapa-charming na lang siya sa masungit niyang crush na bumubuhay ng dugo niya kahit madalas siyang naiinis.
Umakyat siya sa suite para yayain itong mag-dinner dahil hindi naman daw ito nagpahatid ng pagkain ayon sa staff niya. Pero wala si Dominico doon. Hinanap niya ng tanaw sa ibaba pero hindi rin niya matanaw. Pinuntahan na lang niya ang kapatid na si Alejandro para doon na lang sumabay ng hapunan.
Alas otso y media na siya umakyat pero wala pa rin si Dominico sa suite. Sigurado naman siya na hindi pa ito umaalis. Nagdesisyon siyang maglibot sa resort para h
