Dumaan muna si Dominico sa Guererro Farm para tingnan ang nagawa ng mga trabahador dahil nagsipasok pa ang mga ito. Natapos na ang pagtatanim ng mga niyog at kasalukuyan na lang nililinis ang paligid dahil masukal pa ang ibang bahagi ng farm. Malaki na ang iginanda ulit ng farm kumpara noong hindi pa ito naaayos. At habang nakatanaw siya sa mga taong naggagapas ng matataas ng damo, hindi niya maiwasan ang managhili dahil pag-aari ni Bennett iyon at hindi sa kanya.
Gayunman ay masaya siya para sa kapatid. At kahit kailan hindi niya hinangad na mapahamak si Bennett para lang maangkin niya ang lupaing hindi ipinagkaloob sa kanya ng mga magulang. He wanted his brother to come to his good health again. Kahit pa kuhanin na ni Bennett lahat ng laman ng bank account niya o angkinin nito ang
