الورد

الجزء الثالث

فضلت أفكر طول الليل هو ده مين وياترا هيحصل ايي لو وافقت على العريس وأزاى هيأذينى ، أنا مبحبش الألغاز ، أنا بحب المغامرات وهوافق على العريس خصوصاً أنى حسيت بـ أرتياح لما أتكلمت معاه ، وخرجت من أوضتى وندهت على بابا وقولتله " بابا أنا موافقه"..

...

رن بابا على والد العريس وقاله أننا موافقين تقدرو تشرفونا في أى وقت ، قلبي بدأ يدق جامد ونا بفكر في المسدج وصاحبها..

حدد والد العريس معاد مقابلتهم لينا في البيت هيكون يوم الخميس الساعه ٧ .

...

يوم الاربع بليل جاتلى مسدج مكتوب فيها عرفت أنه خطوبتك بكرة ، يعنى مسمعتيش كلامى كده أنتى تبقي جانيه على عريسك وأهلك ، أما أنتى محدش هيلمس منك شعرة طول منا عايش وهاخدك ذوق عافيه هاخدك أنتى حقي من الدنيا ونا مش هسيب حقي لحد .

وبعدها عملى بلوك تانى ، منكرش أنى خوفت بس أنا عنيدة وقررت أكمل وروحت يوم الخميس الكوافير علشان أظبط نفسي ، ونا في طريقي للكوافير لاحظت حاجه غريبه ، غريبه جدا .

فـ وحده ماشيه ورايا من أول ماخرجت من البيت ، ودخلت نفس الكوافير ، قعدت جنبي وفضلت تبص فيا جامد ، جت البنت اللى شغالة هناك قالتلها ها ياحببتى هتعملى ايي!؟

قالتلها أنا مستنيه صحبتى هنا ، وفضلت موجودة طول منا موجودة وبعد ما خرجت من الكوافير خرجت هى كمان وفضلت ماشيه ورايا لحد البيت .

....

خوفت منها وروحت حكيت لأهلى عليها بس بابا قالى دى أكيد صدفه بس أنا متأكده أنها مش صدفه فى لغز ، الحكايه فيها لغز ..

....

رن جرس الباب بتاعنا ، فتحت الباب لقيت البنت دى معاها ورقه مكتوب فيها ..

"تليفونى فصل شحن مش عارف أبعتلك أى مسدج على الوتساب ، بس أرفضى أحسن ، أرفضى ونتى عيشتك وحياتك كلها هتتقلب جنة على الأرض ، أرفضي علشان خاطرى وخاطرك وخاطر قلبي "..

خلصت قراية الورقه وببص للبنت علشان أسألها هى مين ولا ايي حكايتها ومين ده ، بس للأسف أختفت .

...

بدأت أخاف وقررت أنى أعرف دول مين وعايزين ايي ، نزلت جرى على الشارع ، لقيت البنت مش موجودة وطلعت البيت تانى .

تانى يوم جه العريس وأهله ، وأحنا موجودين كلنا مع بعض في بيتنا ، النور طفي وسمعنا صوت حد بيصرخ ، وبعدها بعد خمس دقايق النور رجع ، العريس أختفي .

.....

فضلو أهلو يرنوا على رقمه مغلق ، وفضلنا نصرخ اللى هو أزاى حد يختفي من وسطنا ايي اللغز ده ، ساعتها جت في بالى المسدج وكمية التحذيرات اللى أتقالتلى ونا رفضت أنفذها ، أبو العريس فضل يزعق في بيتنا بابا قاله أتفضل زعق برة أنا معنديش بنات للجواز وأبنك دور عليه بمعرفتك ، البيوت ليها حرمه ، أتفضل برة .

....

دخلت أوضتى بسرعه رنيت على الرقم اللى بيجيلي منه المسدجات ، مردش رنيت تانى ، رنيت أكتر من ٤٠ مرة وسكت .

بعدها رن عليا هو وقالى " هاا ، أدبحه ولا هترفضي من سكات ويرجع لأهله ، يلا أرفضي علشان متخسريش حد من أهلك أنتى وبردو في الأخر ليا ، أنتى ليا ."

.....

جريت على بابا حكيتله على كل حاجه ، ونا بحكى لبابا الباب خبط جامد جداً كأنه بوليس ، خرج بابا وفتح الباب.

وقال "أنت عايز ايي تانى منى مش كفايه أخدت ورثى وطردتنى من بيت أبويا عايز ايي تانى "

عرفت ساعتها أنه اللى على الباب عمى اللى ظلم بابا بعد وفاة جدو وستى علشان كان بيكره ماما ورافض جوازته منها .

عمى لبابا " أبعد عن طريق أبنى وبلاش تلف عليه ، وملكش حقوق عندى ، حقك خدته زمان ومش هد*ك أى حاجة تانى "

بابا "أبنك مين وأنت بتتكلم عن أيي وأتفضل بره يلا ، حقي عند ربنا "..

مشي عمى وهو بيهدد بابا لو مبعدتش عن طريق أبنى هموتك هموتك فاهم .

عمى وهو نازل على السلم وقع سمعنا صوت الوقعه نزلنا كلنا نجرى ، بابا أخد عمى وداه المستشفى .

.....

بعدها عرفنا أنه مريض كانسر وأنه حياته هتنتهى في الفترة من ٥ :٧ شهور .

عمى رن على أبنه جه المستشفى وأحنا كلنا هناك ، دخل الأوضه ، سلم عليا وعلى بابا وماما ، وأتكلم مع أبوه قدامنا على أنه يرجع الميراث لأخوه ولكن عمى رفض وبابا قام أتعصب ومشي وقاله حقي عند ربنا .

....

أمى نسيت موبايلها فى الأوضه في المستشفى عند عمى قولتلها خليكى أنتى أنا هجيبهولك ، دخلت الأوضه ، لقيت عمى نام وأبنه ماسك تليفونه وفاتح الوتساب .

قولتله بعد أذنك ماما نسيت تليفونها هنا !؟

قالى أيوا منا كنت هجيبهولكم البيت ، أتفضلي ، عايزة حاجه!؟

قولتله لا شكراً ، أخدت موبايل ماما ونزلت.

....

جاتلى مسدج من نفس الرقم ونا نازلة على السلم مكتوب فيها "بحبك ⁦♥️⁩"

خوفت أكتر رنيت كتير على الرقم مردش عليا نهائي .

بعتلى مسدج تانى وقالى "صح أوعى تخافي من البنت اللى بتقابلك دى أنا دافعلها فلوس علشان تحميكى وتفضل جمبك "..

.....

رن عمى على بابا وقاله ملكش عندى حقوق ، أنت أخدت حقك زمان أبعد عن أبنى والغريب أنه بابا مبيكلمش أبنه فعلاً ، وأحنا تقريبا أول مرة نشوف أبنه ده كانت في المستشفى.

....

بعدها جه البوليس لبابا بتهمه "الخ*ف" العريس لسه مظهرش ونا مش عارفه مين اللى بيبعتلى ولا مين اللى خ*فه ، رنيت على الرقم وكالعاده مردش ، بابا أتحبس يومين وبعدها حصلت حاجة غريبه جداً أهل العريس قدموا تنازل عن المحضر والعريس ظهر ، وظهرت عليهم فلوس كتير لأن هما ظروفهم مش أد كده ، والأغرب أنه العريس رن عليا قالى أنا منفعكيش ونا اللى عملت الحركه دى وخليت ناس تخ*فنى علشان أخلع من جوازتك .

ساعتها اتأكدت بقا أنه في لغز ولغز كبير كمان .

....

أهل بابا في البلد منهم ٤ ولاد عم بابا جم لينا البيت ومعاهم أبن عمى جايين يخطبونى لأبن عمى.

بابا رفض وقالهم آسف طلبكم مرفوض تماماً دى بنتى الوحيدة أستحاله تتجوز من أعدائي .

حاولو كتير يقنعوا بابا وبابا رفض ، ونا كمان رافضه هو ايي ده وأزاى أنا أتجوز أبن عمى اللى ظلم بابا ، مشيوا من عندنا ، بس أبن عمى نسي موبايله .

الفضول أثارنى وفتحت الموبايل ، لقيتنى تلقائي بدخل على الارقام .

فتحتها لقيت رقم مكتوب "أغلى ماعندى" فتحت الرقم لقيته رقمي..

ونا في قمة الذهول ، دخلت بسرعه على الوتساب لقيت كل المسدجات اللى بتجيلي عنده ساعتها عرفت أنه هو اللى بيبعتلى المسدجات دى .

لقيت رقم تانى مكتوب "عمر يسري" دا العريس اللى كان متقدملى بينهم أتفاق أنه يدفعله مليون جنيه علشان يبعد عنى ويتنازل عن محضر الخ*ف .

...

لقيت شات بينه وبين بنت رقمها مش متسيف بتقوله أتطمن ياباشا خطيبتك فى حمايتى ، عرفت ساعتها أنها البنت اللى بتراقبنى ، وعرفت انها بتاخد منه ٥٠٠٠ في الشهر مقابل أنها تمشى ورايا في كل حته .

لقيت حاجه أغرب وأغرب لقيت رقم "علياء يسري " وصورة أخت العريس اللى كان هيخطبنى وتفاصيل عننا من ساعة ما أتقدملى ، حسيت بخوف شديد منه وأنه هو أزاى عارف كل ده ، وأزاى عنده الثبات ده ومقاليش أنه أبن عمى ، قررت أسكت وأعمل نفسي مش عارفه حاجه وأكمل في سكوتى .

....

باب الشقه خبط ، فتحت لقيته هو ، قالى لو سمحتى نسيت تليفونى هنا قولتله أتفضل قالى كنت ناسي تليفونى قاصد علشان أرجع من تانى ، أنا عايزك في الحلال والوصول ليكى صعب ، حاربي معايا الدنيا ، أوقفي جنبي أنا رايدك .

مشي ونا ساكته ومذهولة ومش عارفه أعمل ايي !؟

....

فضل أبن عمى يتقدملى كل أسبوع تقريباً ويترفض ، بابا راح لعمى البيت وقاله لازم أبنك يبعد عن بنتى وحكاله اللى حصل ، عمى بردو رفض وقاله أنا عمرى ماهوافق على بنتك دى أذا كان رافض جوازك من أمها هجوز أبنى ليها ، المشاكل بدأت تزيد بينا وبينهم لحد مافي يوم أبن عمى أختفي .

جه عريس أتقدملى قررت أوافق من غير ما حد يحس ، من غير خطوبه ولا أى حاجة وبالفعل نجحت أنى أتخطب بدون ما أى حد يحس حتى جيرانا في العمارة محسوش ، البنت اللى بتمشي ورايا أختفت فجأة ، معظم التفاصيل أختفت ، بالى مشغول هو فين ابن عمى راح فين !؟

....

لحد مافي يوم جاتلى مسدج من رقم سعودى مكتوب فيها " أنا في السعوديه طلعت عمرة مخصوص ليكى ولمست الكعبه ودعيت أنك تبقي من نصيبي ، أرجوكى متخذلنيش" ..

المسدج خ*فتنى أنه هل في حد بيحب حد بالطريقة دى ، بدأت أفكر فيه فعلا .

ساعتها أفتكرت إنى مخطوبة أنه عيب أكون مخطوبه لواحد وأفكر في واحد تانى.

.....

وفي يوم كان خطيبي عندى جت مكالمه لبابا أنه عمى أتوفي ، أتوفي وهو ظالم أخوه وواكل حقه ، قالوله أنك لازم تجى توقف قدامه هو وميت تقوله مسامحك يا أخويا علشان مينفعش يقابل ربنا ظالم .

راح بابا وبالفعل عمل كده ، وقابل أبن عمى هناك فتح معاه موضوعنا تانى بابا قاله إنى أتخطبت ، وأن خلاص قربت أتجوز .

....

أبن عمى ساب واجب أبوه وجه خبط على بابنا جامد فتحت الباب قالى رنى على خطيبك دلوقتى أفسخى الخطوبه هاخدك غصب.

فضلت أزعق معاه جامد جه بابا وراه بسرعه وطلع من جيبه مسدس وض*ب طلقه جت فى رجل أبن عمى مشي وهو سايح في دمه وبيقول " هاخدها ولله ما حد يلمسها غيري " .

بعدها رن عليا حكالى قالى

أنا قابلتلك صدفه في العربيه ومشيت وراكى وسألت عليكى عرفت انك بنت عمى ، مكنتش أعرفك بسبب خناقات أبويا وأبوكى وأنك أتولدتى بعيد مننا أصلاً .

*علياء يسري* دى زميلتى فـ الشغل من خلال كلامنا عرفت أنى أخوها هيخطب وحده والوحده دى أنتى ، لقيتنى ببعتلك أحذرك من الخطوبة بس أنتى عنيدة وتعبتينى معاكى كتير شهور ونا بحاول أحنن قلب أبويا عليكم وهو رافض ونتى وأبوكى رافضين تتخطبي ليا ، أنا تعبت ولله أنا حبيتك ، أنا أتغيرت علشانك ، أنا أكتر واحد كنت رافض أرجعلكم حقكم ومشجع أبويا على ده ، بس لما حبيتك عايز أرجعلكم كل حقوقكم اللى ليكم واللى مش ليكم ، أنا بموت فيكى خليكى معايا أرجوكى .

....

منكرش أنه كلامه أثر فيا وقررت أقف جمبه وجمب بابا وأرجعله ميراثه اللى راح .

رنيت على خطيبي فسخت الخطوبة رن على بابا للأسف وحكاله وجه بابا ض*بنى وحدد معاد كتب الكتاب .

خد منى الفون وكل حاجه ممكن أوصل من خلالها لأبن عمى .

....

وفجأة بابا وقع مننا جرينا بيه أنا وماما على المستشفى قالنا دى جلطه في القلب وأحتمال خروجه من المستشفى قليل جدا وأنه لازم يعمل عمليه حالاً ، العمليه هتكلف أكتر من ٢٠ ألف جنيه .

رنيت على أبن عمى وحكيتله على اللى حصل جه المستشفى ومعاه أوراق كتير جدا

...

رجع لبابا حقه ودفع فلوس العمليه والعلاقات أتصلحت بينه وبين بابا

جالنا البيت وقاله ياعمى أنا طالب أيد بنتك ، وافق بابا ورن أبن عمى فوراً على المأذون وكتبنا الكتاب .

قال المأذون "بارك لكم وبارك عليكم وجمع بينكما في خير"

قام حضنى وشالنى من على الأرض وقالى"لم يكن الوصول إليكِ سهلاً ولكنه عظيماً⁦♥️⁩"..

الحب عظيم ، الحب بيخلينا نعمل أى حاجة وكل حاجه مجنونه ، الحب روح بتغامر وقلوب بتتكلم ، الحب أساس رحلتنا في الحياه⁦♥️⁩⁦??⁩

احمد: اتفضلي يا عروسة

رحمة: ممكن سؤال

احمد: دلوقتي؟!

رحمة: اه دلوقتي

احمد: اتفضلي

رحمة: كنت فين هاا؟ كنت فين لما كنت بفضل اقول يا قرررة عيني تعال الحقني من زنقة الكلاب دي قصدي من زنقة الامتحانات دي؟

احمد:هقول اهو

رحمة: استني عليا بس

احمد: طب استني بس هفهمك

رحمة: اصبر بس ده انا هطلعهم عليك زنقة زنقة و مراجعة مراجعة و امتحان امتحان

احمد: يا بنتي اهدي هفهمك

رحمة: وانا اقول يا قرة عيني وانت مبتحسش

احمد:وانا هعرف ازاي

رحمة:تحس ، انا هطلع من التعليم بلا تعليم بلا بتاع

احمد:ماشي اطلعي

رحمة:ايوة بقى عايزني اطلع عشان اقعد لك بالعيال

احمد:مش انتي اللي قولتي

رحمة: لو كنت اعرف اني هتجوزك كنت كملت التعليم العالي

احمد: طب كملي تعليمك فيها

رحمة: ما انا هكمل انت مفكر اني هعقدلك بالعيال

احمد: خلاص بقي يبقي قلبك ابيض

رحمة: طيب يلاا عشان تصلي بيا العشاء

احمد: يلاا

تاني يوم*

احمد: رررررررحمة

رحمة:.........

احمد: ررررحمة قومي اهلنا شوية و جيين

رحمة:.........

احمد: ياربي متجوز غيبوبة ، رررحمة

رحمة: ايه يا ماما سيبيني انام شوية

احمد: ماما! يا بنتي انا جوزك قومي

رحمة: جوزي! جوزي مين يااض

احمد: ياض! هو انتي من العادة لما بتصحي من النوم بتكوني فاقدة الذكراة

رحمة: اه صح احمد ، معلش عشان بقوم جعانة ف بنسي

احمد: طب قومي عشان اهلنا قربوا ييجوا

رحمة: ماشي

رحمة قامت خدت شاور و اتوضت و صلت فرضها

رحمة:ااااااااحمد

احمد:ايه لميتي الجيران علينا

رحمة:جعااانة

احمد:طب جهزي الفطار معايا

جهزوا الفطار و فطروا و بعدين اهلهم جم قعدوا معاهم شوية ومشيوا

رحمة:احمد

احمد:عيونه

رحمة:احم ، عاوزة اكل

احمد:نعم انتي مش لسه واكلة

رحمة:اه

احمد:لحقتي تجوعي

رحمة:م انا مكلتش حلو

احمد:مكلتيش حلو ده انتي واكلة اكل محدش كله قبل كدا

رحمة:نق بقى نق

احمد:خلاص يا ستي تحبي تأكلي ايه

رحمة:اندومي و شيكولاتة و نوتيلا و شيبسي و حواوشي و لب و شاورما

احمد:نعم ، هتأكلي ده كله

رحمة:لا هأكل اللي اقدر عليه و الباقي اكله بليل

احمد: اممم ، ماشي عاوزة حاجة تاني

رحمة بتفكير: اه بيتزا بس يكون معاها مخلل

احمد:ماشي هنزل اشتري و شوية وجاي مش هتأخر متخرجيش برة الشقة ولا ت**ري حاجة

رحمة:ده انا طيوبة ومش بعمل حاجة?

احمد:لا واضح واضح ، انا هنزل في رعاية الله

رحمة:في رعاية الله

بعد شوية احمد وصل البيت*

احمد: حبيبتي انتي فين جبتلك الاكل

رحمة: انا هناا اهوو، وريني جبت ايه

احمد: طب مفيش حمد لله على السلامة ولا هو الاكل اهم مني؟

رحمة: اه قصدي لا انت اهم طبعا، هات الاكل بقي

احمد:خديه اهو،انا داخله انام شوية

رحمة:هتسبني اقعد لوحدي?

احمد:العو هيكلك؟?

رحمة: بخاف اقعد لوحدي

احمد: طب خلاص متزعليش انا هقعد معاكي انا ليا مين غيرك

رحمة: تشكر، بس بقي عشان اكل ، بقولك شغل كرتون جميلة و الوحش

احمد:ماشي يا ستي شغلته

رحمة:انت رايح فين

احمد:هدخل اشوف الشغل علي الاب توب

رحمة:لا متسبنيش لوحدي اقعد كُل معايا و اتف*ج علي الكرتون

احمد:انا احمد على اخر الزمن اتف*ج علي كرتون،بس كله يهون عشان حبيبة قلبي

رحمة:تشكر يا اسطاا

احمد:يا اسطاا! انا جوزك لو فاكرة

رحمة:اه فاكرة،و بس بقي عشان اعرف اتف*ج علي الكرتون

بعد شوية رحمة نامت في حضن احمد و هي بتتف*ج علي الكرتون و احمد دخلها الاوضة و طلع برة يقعد.

رحمة: اعااااااا

احمد جري عشان يشوفها.

احمد: في ايه! انتي كويسة؟ حاجة حصلت ليكي؟

رحمة بتعيط بهستريا احمد خدها في حضنه لحد ما هديت

احمد: طب اهدي بس وكفاية عياط

رحمة:............

احمد: طب بتعيطي ليه؟

رحمة: شـ... شوفت حلم وحش

احمد:حلم ايه؟

رحمة:ان...ان انت هتشمي و تسبني

احمد:طب اهدي انا معاكي اهو متخافيش

رحمة: او... اوعدني انك مش هتسبني

احمد: اوعدك اني مش هسيبك، كفاية عياط بقي دموعك غالية عندي

رحمة: خلاص مش هعيط تاني، انا عاوزة اروح البحر

احمد:من عيوني، اجهزي و نروح

رحمة: اشطا

احمد: يلاا يا قلبي انا جهزت انتي خلصتي

رحمة: اه يا حبيبي، جاية اهو

احمد: ايه ده!

رحمة: ايه!

احمد: فين الجونتي؟

رحمة: نسيته، معلش هطلع اجيبه

احمد: خلاص في واحد تحت في العربية ابقي البسيه، و استني اعدلك النقاب عشان حواجبك بينا.

رحمة: لا مش باينة مظبوط والله

احمد: م انا عارف بس عشان متبنش

رحمة: ماشي يا قلبي

وصلوا عند البحر(ملحوظة:هما عايشين في اسكندرية)

احمد: رحمة!

رحمة: ايه

احمد: هو انتي بتحبيني؟

رحمة: لا متجوزاك شفقة

احمد: بتكلم بجد

رحمة: تخليص حق

احمد: رررحمة

رحمة: خلاص متقفش كدا الواحد ميعرفش يهزر معاك حبة

احمد:جوبي

رحمة:اكيد بحبك يعني مش قرة عيني انت ولا ايهاحمد:يديمك ليا يا قلبي

رحمة:و يديمك ليا،وكفاية محن بقي عشان مش طالبة

احمد:ل**نك ده عايز قطعه عشان يبطل يرمي دبش بعد كدا

رحمة:م انت عمال تقول كلام محن وسكتالك

احمد:خلاص انا غلطان اني اتكلمت معاكي اصلا

رحمة:احمد

احمد:.........

رحمة:انت زحلت

احمد:.........

رحمة:رد بقي وبلاش رزالة

احمد:نعم

رحمة:عاوزة اكل

احمد:هو انا ليه بحس انك بتحبي الاكل اكتر مني؟

رحمة:مش محتاجة سؤال،اكيد بحبه بس مش اكتر منك،لانك انت اللي بتجيبه ليا

احمد:والله

رحمة:بهزر يا لمبي ايه مبتهزرش

احمد: طب تحبي تأكلي ايه

رحمة: قاعدين علي البحر يبقي نأكل ايه يا فالح؟

احمد: فالح! لو فاكرة انا جوزك ماشي، وقولي عايزة تكلي ايه عشان متنقطش منك

رحمة: اندومي

احمد: و ده ايه علاقته بالبحر بقي

رحمة: ملوش علاقة بس بحب اكله قدام البحر

احمد: طب خليكي هنا لحد ما اشوف محل بيبعوا مِستوي

رحمة: حاضر، ومتتأخرش عليا، وخلي بالك من نفسك

احمد: هو انا مهاجر، بس حاضر وانتي كمان خلي بالك من نفسك

رحمة بعد شويا سمعت صوت ناس متجمعة راحت تشوف في ايه

رحمة: في ايه لو سمحتي؟

البنت: واحد عربية خبطته و جريت و مرمي على الارض

رحمة اول ما سمعت كدا قلبها اتقبض راحت تشوفه اتصدمت لما لقته احمد جوزها جريت عليه

رحمة: ااااااحمد لا متسبنيش، احمد فوق بالله انت وعدتني انك مش هتسبني، احمد انا مقدرش اعيش من غيرك والله، فوق ومش هزعلك تاني بس قوم عشان خاطري

بنت: طب قومي نوديه المستشفى

رحمة طبعاً شبه مغيبة ومش واعية بحاجة ب اللي حوليها ماسكة في احمد وبتصرخ بس

راجل: لو سمحتي ابعدي عشان نشليه و نوديه المستشفى

رحمة:……

بنت: يا مدام قومي لو سمحتي كدا هيموت بينزف دم كتير و ده خطر عليه

رحمة فاقت من الي هي فيه والراجل شال احمد و ركبوا العربية و راح المستشفى

في المستشفى*

احمد دخل العمليات و رحمة و قافة بتعيط و بعدين اتصلت علي اهلها

رحمة:الـ.... الوو

والد رحمة:ايوة يا بنتي،بتعيطي ليه مالك،انتي كويسة؟

رحمة: ا....ااحمد عمل حادثة واحنا في المستشفى

والد رحمة: حادثة! طب اهدي و قولي مستشفي ايه؟

رحمة: مسـ... مستشفى*********

والد رحمة: انا جاي حالا، سلام

رحمة فضلت تعيط وبعد نص ساعة اهلها و اهل احمد وصلوا

والدة رحمة جريت عليها حضنتها:انتي كويسة يا حبيبتي؟

رحمة:انا كويسة،بس احمد لا

والدة رحمة:طب اهدي ان شاء الله هيبقي بخير

والدة احمد بفزع:ايه اللي حصل؟واحمد فين؟هو كويس صح؟

رحمة بعياط:عمل حادثة و خسر دم كتير و دلوقتي في العمليات

والدة احمد بعياط:يااا رب قوملي ابني،يا رب يقوم بخير

والد احمد فضل يهدي في مراته

والد رحمة:بس يا جماعة كفاية عياط،العياط مش هيفيد بحاجة،روحوا صلوا و ادعوا ربنا يقومه بالسلامة

والد احمد: ابو رحمة عنده حق روحوا صلوا و ادعوله.

رحمة راحت المسجد فضلت تصلي وتقرأ قرآن وتدعي ربنا سبحانه وتعالي انه يقوم احمد بخير، و والدة احمد بتعيط و والد احمد واخد مراته في حضنه بيهديها، و والدة رحمة بتقرأ قرآن، و والد رحمة بيدعيله.

رحمة خلصت و راحت المستشفى تاني وكان لسه الدكتور مطلعش من العمليات بعد نصف ساعة الدكتور خرج.

والد احمد: طمني يا دكتور

الدكتور: الحمد لله هو بخير، فقد دم كتير بس لقينا دم من نفس الفصيلة ونقلناه لاوضة عادية

والدة احمد: طب ينفع نشوفه؟

الدكتور: اكيد بس اما يفوق من البنج

والد احمد: تمام، جزاك الله خيراً

الدكتور: واياك، بعد اذنكم

ده كله و رحمة متابعة ب**ت وهي بتعيط بس ومامتها بتهديها.

بعد شوية احمد فاق وكلهم دخلوا ليه، رحمة اول ما شافته جريت عليه هي ومامته.

والدة احمد بعياط: الحمد و الشكر ليك يا رب انك فوقت ابني، الحمد لله

احمد: الحمد لله يا امي، كفاية عياط بقي انا بقيت كويس.

رحمة بعياط: انـ.... اانا اسفة

احمد: علي ايه؟

رحمة بعياط: انـ.. ااني زعلتك مش هزعلك تاني بس متسبنيش، انت وعدتني مش هتسبني خالص صح؟

احمد خدها في حضنه وبيهديها

احمد: صح بس انا مزعلتش مقدرش ازعل منك ابدا، ومش هسيبك، انا معاكي دايما، ومتتأسفيش تاني ماشي؟

رحمة بعياط: مـ... ماشي

احمد: كفاية عياط بقي عشان خاطري

رحمة وهي بتمسح دموعها: خلاص مش هعيط تاني طول ما انت معايا

والد رحمة: هو النهاردة يوم العياط?

احمد: اه والله شكله كدا?

والدة رحمة: حمدلله على سلامتك يا بني

احمد: الله يسلمك يا خالتي

والد احمد: قولي يا ابني ايه اللي حصل بالضبط؟

احمد: رحمة كانت عايزه تروح البحر ف اخدتها و رحنا هناك، قعدنا شوية وبعدين قالت عايزة اندومي فكنت رايح اشتري و بعدي الطريق عربية كانت معدية الطريق بسرعة وانا ما اخدتش بالي ف خبطتني وجريت وطبعا عشان فقدت دم كتير ففقدت الوعي بسوالد احمد: طب متعرفش مين اللي كان بيسوقها او رقم الرخصة بتاع العربية، اي حاجة توصلنا ليه؟ عشان نبلغ.

احمد:لا يا بابا،وانا مش عاوز ابلغ سيبه ربنا يسامحه

والد رحمة:بس مينفعش يا بني عشان يأخد جزاته

احمد:ربنا مش بيسيب حق حد

والد احمد:على راحتك يا ابني،الدكتور قال انك ممكن تخرج من هنا بكرا بأذن الله.

احمد:ان شاء الله

بعد شهرين*

رحمة:اااااحمد

احمد:ايه لميتي الجيران علينا

رحمة:امتحاني بكرا ومش عارفه اركز ولا اذاكر حاجة

احمد:طب تعالي اذاكر ليكي

رحمة: اشطاا

(احمد خريج طب صيدلة و رحمة في طب صيدلة بردوا عشان كدا احمد هيذاكر ليها لانهم نفس التخصص)

بعد شهر*

احمد:رحمة

رحمة:ايه يا حبيبي

احمد:النهاردة ايه؟

رحمة:الاثنين،انتي بتنادي عليا عشان تقولي النهاردة ايه؟

احمد:بلاش لماضة.اليوم ده مش فاكرة حدث هيحصل فيه

رحمة بتفكير:اممم،اه صح ظهور النتيجة

احمد:مبااارك يا قلبي جايبة امتياز و الاولة علي الدفعة

رحمة:الله الله(وفضلت تتنطط وبعدين جريت حضنت احمد)

بعد اربع سنين*

خديجة:ماما عاوزة اشيب(اشرب)

رحمة:روحي ل بابا هيشربك

احمد:تعالي يا قلبي اشربك

خديجة وهي بتجري عليه:بابا شيبني(شربني)

احمد وهو بيشربها: بالهنا يا قلبي،خديجة باسته في خده و جريت تلعب

رحمة:هي مين اللي قلبك يا عنيا?

احمد:احم انتي اللي قلبي هو انا ليا غيرك يا عمري

رحمة:ايوة كدا اظبط

احمد:انتي بتغيري عليا من بنتك؟

رحمة:و مغرش ليه مش زوجي قرة عيني

احمد:قلب قرة عينك والله ?♥

(يامن بَك مُرّ الحياة يطيب?)

كنت قاعدة في اوضتي علي سرير وحاطة سماعة في ودني وبسمع اغنية Life goes on بتاعت BTS وعمالا اردد معاهم واقول

Like an each, In the forest,The light will come back around ، As if nothing happened ، Yeah, Life goes on ، Like in arrow Another light flying by ، In the blue sky ، On my pillow ، On my tablet ، Yeah ، Life goes on ، Like this agen ، I remember

ولسة بكمل دخلت عليا ماما وقالتي مش هتبطلي زفت الي بتسمعيه ده ، قولتها يا ماما هو انت مش وراكي حد تااني غيري عايزة اي يا حبيبتي عايزة اي ياست الكل ياست ناس كلها قالتي كلي يابت بعقلي حلاوة ياابت كلي قولتها معلش حلاوة ب ايه لو بشوكولاتة هكلها عاادي اما لو من غير شوكولاته ف

I'm sorry I do not eat

قالتي مش هتبطلي لماضة شوية وثقافتك الانجليزية العالية دي لو بتستخدميها في مذاكرة هتفلحي نفسي مرة ياشيخة تعدي صاافي من غير مقبول ، ضحكت وقولتها ماما Excuse me ماتقوليش عليا كدا هعمل اي بشهادة يا ماما البت مالهاش غير حجتين بيت جوزها وب BTS قالتي هما BTS دول الي جابوكي لورا قولتها وهما BTS دول بردك الي خلوا ثقافتي في الانجلش عالية كدا وبكرا باذن الله اشتغل واحوش فلوسي عشان اسافر كوريا وأحضر ليهم حفلة قالتلي هتشتغلي وتسافري ازااي بل مقبول بتاع كل سنة ده قولتها ايش دخل ده بده قالتي لو اتقبلتي في شغل عاملة نظافة حتي ، تيبقي تفي وشي قولتها عيب يا ماما مايصحش اجي اتف عليكي انت امي بردك وشلتيني في بطنك تسع تشهر ولسة بكمل لقيت شبشبها طار في وشي وقالتي بطلي رغي شوية ولماضة وخشي اذااكري ارحميني امي الميتة قولتها اااه ياماما اد*كي بوظتي وشي بشبشب بكرا لما اسافر دلوقتي واشوف BTS يقولوا عليا اي دلوقتي ولا لما اجوز جوزي هيقولي اي ، لقيتها صرخت في وشي وقالت ساااااااارة خشي ذااكري وارحمي امي قولتها الله يرحمها وروحت جريت علي الاوضة بسرعة وقفلت الباب قبل ما تيجي تكمل عليا لقيت اختي كبيرة سما قاعدة وبتقولي ارحمي امك شوية يا شيخة و ذاكري قربتي تجيبي لامك ضغط و السكر ده لو مكنتيش جبتهولها قولتها اي سما الاڤورة الانتي فيها دي انت كمان ، قالتي وانت فيها اي لما تبطلي تسمعي زفت ده وتقعدي تذااكري ، قولتها اولا ده مش اسمه زفت ثانيا اسمهم الي خاطفين قلبي ثالثا ركزي انت في جامعتك ومالكيش دعوة بيا ،قامت سما من علي سرير وكانت بتقرب مني قولت انها هتض*بي وكدا قولتها ماتفكريش تقربي مني قالتلي تعالي اقولك حاجة بس ، قولتها اي، قالتي مش انت نفسك تسافري كوريا قولتها ااه جدا قالتلي هتسافري ازااي بقي وانت مش متعلمة هتتكلمي لغة ازاي قوليلي قولتها هتصرف وقالتلي بدل ماتتصرفي اتعلمي واجتهدي وذاكري وخشي جامعة السن واتعلمي لغة كورية وبعد كدا ممكن تجيلك اصلا شغل هناك ومنحة انت متخلية مذاكرة ممكن تعمل اي واهم حاجة عشان تنجحي قربي ربنا ، صراحة كلامها اقنعني كنت في سعتها في 3اعدادي قولتها طب السن محتاجة اخش ثانوي صح اخش ثانوي ازاي بقي وانا يدوب بعدي بمقبول كل سنة قالتي لو ذاكرتي هتعرفي تخشي ، قولتها ولو حتي جبت المجموع ماما مش هترضي تتدخلني خالص عشان عارفة اني فاشلة اكيد قالتي انت ليه مبسوطة بفشلك ، قولتها مين بينبسط بفشله مثلا ،قالتي اومال اي الي انت فيه ده ، قولتها هااخد بيهااا شهادة ماانا اخري هتجوز ، قالتي ما انت ممكن تتجوزي بلطجي عشان انت مش متعلمة ومعاكي شهادة ع** الي متعلم وواخد شهادة بيتجوز دكتور رجل اعمال كدا ، واوعدك لو جبتي مجموع ثانوي هدخلهالك انا ومالكيش دعوة ولا بماما ولا بابا هتصرف انا بس اوعديني انك هتذاكري ، قولتها حااضر وعد♥️

قعدت افكر مع نفسي كدا وفضلت اقول انا فعلا لو مذاكرتش مش هعرف اساافر ولا احقق اي حااجة من احلامي بس انا مابحبش مذااكرة يااربي مش بحبها??،فاضل علي الامتحانات شهر لو اقعدت اذاكر فيهم مش هيحصل حاجة بس عشان اعرف اخش ثانوي واخش كلية الالسن عشان اتعلم اللغة واعرف اسافر وفعلا ابتديت اذاكر كان غصبن عني بس كان لازم وبقيت اصلي وبقيت ادعي واقول ياارب ساعدني خليك معايا متسبنيش في اول طريق خليك معايا للنهاية واثقة فيك انك هتجبر بخاطري انا عارفة اني بحب حااجة تغضبك عليا بس انا فعلا حلمي اسافر كوريا بغض النظر عن اني بحب BTSوفضلت اتكلم كتير وادعي خلصت صلاة ، ودخلت اكمل مذاكرة وسبحان الله ربنا استجاب ليا وبقيت احب مذاكرة جداا بقيت اذاكر بغض النظر عن اني بقيت ابطل سمعان BTS بس عشان انا في امتحاناتي ماما بقت مستغربة وتفضل تقول هي اي الي غيرها كدا بت يا سارة انا مش مرتحاالك كدا من امتي وانت بتحبي مذاكرة وبتذاكري كدا لا وكمان سايبة تلفون وكمان مش حاطة سماعة تتحدسي ، سبت القلم من ايدي قولتها ماما هو انت مش عجبك اي حااجة ، اذاكر مش عجبك ماذكرش بردك مش عجبك ، امسك الفون مش عجبك اسيب الفون مش عجبك بردك ، قالتي ما انا مستغربة....... ولسة بتكلم قولتها ماما انت معطلاني هل حين والوقت **يف ان لم تقطعه قطعك ، قالتي بردك لماضة لسة فيكي صحيح ديل كلب عمره ما يتعدل وخرجت من اوضة وقفلت الباب ، وانا قعدت اكمل مذاكرتي ، وبعدين تعبت وكنت عايزة انام ، انا ااه بذاكر بس بردك بحب نوم وما جيش عليه ابدا عشان حاجة ده حبيبي بردك لو هشحت كدا ما بحبش الا هو وروحت دخلت نمت ، صحيت تاني يوم اتضوضيت وصليت بحب ابدا يومي بصلاة دايما يعني سبحان الله مكنتش بصلي خالص ولاكن هالحين بقيت ما بسبش فرض واحد والحمدلله ، قومت فطرت ولبست Uniform بتاع مدرستي ورحت مدرسة عشان امتحن امتحنت وخلصت الكل كان خاارج قلقان والي بيعيط والي بيقول يارتني عملت كذا والي كان بيقول ده صعب وانا بفضل الله خارجة واشتريت ايس كريم وماشية لقيت صحابي قاعدين وفي منهم الي بيعيط ومنهم الي بيطبطب قولت في اي يا بنات ليه مدرسة كلها قلباها ميتم قالولي اصل الامتحان صعب اووي والكل خارج يعيط عشان كدا ،قولتهم بجد كان صعب اومال انا ليه مش شايفة كدا ، قالولي سوري يعني يا سارة في الي هنقوله انت باردة اووي مدرسة كلها بتعيط وبتقول صعب وانت ماشية بهدوء وبتقولي مش صعب لا وكمان وبتاكلي ايس كريم ، قولتهم هي مشكلة دلوقتي في الايس كريم وبعدين انا مش باردة انتوا الي بتحبوا جانزة وتشبعوا فيها لطم وبعدين جو حر ليا حق ايس كريم ولا لا ، وبعدين انت ياابت منك لها قومي كدا اغسلوا وشكوا من عياط عشان العياط مش هيرجع حاجة خلاص الامتحان اتحل والحمدلله وزمانه بيتعلم هالحين ، قالولي انت فيكي كمية برود اعصاب مش في حد ، قولتلهم برود الاعصاب هو الي هينفعكوا في مستقبل ، يلا سلام انا مروحة عشان انتوا شكلكوا مش هتخلصوا انهاردة من ندب ده ، وسبتهم ومشيت روحت لماما قالتي اي اخبار الامتحان ضحكت وقولتلها الحمدلله كان حلو وكويس بس الغريب ان الكل خارج بيعيط وبيقول وحش ومش عارفة اي مش عارفة اي ناس الفافي ده ، قالتي لا يابت وانت الچينيس بتاع المدرسة الي بيطلع الاوائل كل سنة قولتها ماشي يا ماما اتريقي اتريق علفكرة انا حليت كله صح هما الي أغ*ية ماليش دعوة ، قالتي ااه انت هتقوليلي سبتها ودخلت الاوضة مانا مش ناقصة دخلت نمت وصحيت اذاكر المادة الي بعتها وهكذا تمر الاياام لغايت لما خلصت امتحانات علي