Emma’s Point of View
“Sigurado po ba kayo na hindi na kayo pupunta ng hospital ma’am?” tanong ng nurse na gumamot sa aking sugat. Umiling naman ako sa kaniya bilang pagtanggi ko sa pagpunta sa hospital. Hindi na siya muling nagtanong sa akin at tahimik na lang niya akong ginamot.
Matapos niya akong gamutin ay umalis na ako sa ambulansya upang mabigyan naman ng pagkakataon ang iba na magamot. Ang ibang ambulansya naman ay umalis na upang ihatid ang mga taong lubhang nasaktan sa insidente. Matapos makarating ang mga bumbero sa pangyayari ay mayroon silang nailigtas na natrap sa loob at nakakalungkot man sabihin ay hindi maiiwasang mayroong mamatay. Marami ang nawalan ng mahal sa buhay at kita ko ang pighati sa kanilang mukha at hindi iyon kinaya ng aking puso. Kaya mas maganda kung makaka
