Alex’s Point of View
“Tara na,” tawag sa akin ni Juna dahil naiwan ako ritong nakatayo sa loob habang siya ay nakalabas na sa rest house niya. Naiwan kasi akong nakatulala rito iniisip kung ano ang nangyari kay Emma. Nang matauhan naman ako dahil nga sa tinawag niya ako para lumabas ay nagsimula na akong mag lakad palabas sa bahay para sundan si Juna na naghihintay sa akin sa may sasakyan. Dumaan ako pababa sa hagdanan na aming dinaanan kanina at binaybay ang buhanginan patungo kay Juna. Tiningnan niya lang ako nang makalapit na ako sa kaniya at hindi ko alam ang aking sasabihin kaya tiningnan ko na lang siya pabalik.
Binuksan niya ang pintuan at pumasok sa loob ng sasakyan, sa may driver’s seat siya pumasok kaya hindi ko na sa kaniya itatanong kung sino ang magmamaneho. Pumasok naman a
