Emma’s Point of View
“Let’s go?” tanong niya sa amin. Tumayo sila Anthony at naglakad patungo sa operating room kung saan gagawin ang operasyon. Sinundan naman namin ni Juna ang iba pang surgeons at sinadya ko naman ang magpahuli para hindi mahalata ang kaba na aking nararamdaman ngayon. Mas malapit ako sa kaniya, mas malaki ang tsansa na mabubuking ako sa aking mga plano. Masama pa nito ay malalaman niya rin ang tungkol sa misteryo na aming inaalam sa pagkakataong ito.
“Any info?” tanong ko kay Juna, tinutukoy ang mga kasamahan niya. Tiningnan kong muli ang mga ito taas noong naglalakad papunta sa operating room at akala mo ay isa sila sa mga body guard ng pangulo ng Pilipinas; talagang mas umaakto pa sila na parang body guard kesa sa pagiging surgeon na inihahanda ang sarili nila sa i
