Nakatingin lamang si Luke sa labas ng bintana. Masakit para sa kanya ang pagkawala ni Mr. Gonzales. Ang taong tumutulong sa kanya at gumagabay. Ang taong tinuturing niya ng pangalawang ama. Pinahid niya ang mga luha sa kanyang mga mata. Nais niya man sanang pumunta para sa burol nito na isang araw lang pero pinigilan siya nina Blake at Warren. Dahil mas malalagay lamang sa peligro ang lahat. Mawawala ang pinagpaguran nilang mga plano.
Kahapon lamang nawala si Mr. Gonzales at ngayong araw nakatakda na i-cremate ang katawan nito.
"Patawad Mr. Gonzales kung hindi man lang kita nakita sa huling pagkakataon. Pero ipinapangako kong hinding hindi masisira ang mga plano natin. Ipagpapatuloy ko ang nasimulan nating laban. At bibigyan ko rin ng hustisya at mananagot ang taong pumatay sa'yo." At l
