Chapter 3
2253 Words
Chapter 3
الساعة 10 صباحا يوم الثلاثاء مكتب مدير المستشفى . (مقابلة دانيال )
بعد وصول دانيال ديميترى الى مطار القاهرة وجد فى أنتظاره سيارة خاصة أرسلها أليه دكتور سعد ، فأستقبله السائق وأتى به الى المستشفى ، فدخل الى مكتب دكتور سعد وكان متواجد فى المكتب دكتور فهمى ، قام دكتور سعد من كرسيه وسلم عليه مبتسما له وقال له :
- من فترة طويلة لم نتقابل يا دانيال .
جلسو جميعهم على الانتريه المتواجد أمام المكتب وأجابه دانيال :
- اخر مرة كانت من سنة ونصف هنا فى نفس المكتب ، كيف حالك دكتور سعد ،سعيد جدا انى شوفت دكتور فهمى كيف حالك ؟
أجابه فهمى وهو ينظرأليه مبتسما :
- بخير وسعيد جدا لرؤيتك دكتور دانيال .
ولع دكتور سعد سيجاره الخاص ثم سأل دانيال قائلا :
- احجزلك فى فندق فى كفر الشيخ ولا فى القاهرة يا داينال ؟
أجابه :
- لا انا هسافر فى طيارة بالليل هنتفق على الشغل وهسافر سريعا .
قام دكتور سعد بهز رأسه كموافقة لكلامه ولم يلح عليه لأنه يعرف طبع دانيال جيدا .. فقال له :
- خير يا دانيال مكالمتك الأخيرة كانت مقلقة ايه طبيعة الشغل الجديد اللى كنت تقصده ، وهل هيلغى الشغل القديم ولا هيكون الشغل القديم زيادة عليه الجديد ؟
أجابه :
- لا موضوع الاعضاء زى ما هو بل بالع** الطلب على الاعضاء البشرية زيادة ، خاصة ان السوق المصرى قوى للمجال دا بعد 2011 وفى الخارج الاعتماد لا يكون كلى على منطقة او بلد معين ، على سبيل المثال تعتبر أسرائيل من اكثر دول العالم التى تشهد رواجا فى هذا المجال عن طريق السماسرة واشهرهم هو موشيه هارئيل وبالمناسبة موشيه يمتلك الجنسية التركية ايضا ..
ومن البلاد المستوردة للاعضاء البشرية بقوة هي المملكة العربية السعودية ، لكن فى اخر خمس سنين الاهتمام كان بأيران لأنها الدولة الوحيدة فى العالم التى تسمح بالتبرع بالاعضاء البشرية مقابل المال ، ومع أيران كان الاهتمام بالسوق المصرى مهم جدا خاصة بعد 2011 ..
بسبب زيادة اللاجئين وزيادة الفقر وخلافه من الحاجات اللى بتخدم شغلنا والتعامل معاك يا دكتور سعد انت ودكتور فهمى كان ممتاز جدا فى مجال الاعضاء البشرية ، بسبب قدرتكم على توفير الاعداد اللى بتتطلب منك ، ودا كان سبب أننا نفتح معاكم مجال الشغل الجديد اللى انا جاى انهاردة علشان نتفق عليه .
أعتدل فهمى فى جلسته ونظر مباشرة ألى دانيال سائلا :
- ايوة ايه هو طبيعة الشغل الجديد دا يا دكتور دانيال ؟
أجابه :
- ببساطة هنعمل مجموع تجارب علمية على مجموعة من
البشر .
سمع دكتور سعد هذه الجملة فأشتد أنتباهه لهذا الكلام لم يكن يتوقع ذلك وقال له :
- وضح اكتر تقصد ايه بالظبط يا دانيال ؟
أراد دانيال توضيح الأمور أكثر فأجابهم قائلا :
- هشرحلكم اقصد ايه التجارب العلمية فادت العالم كله ومحدش يقدر ينكر الكلام دا ، لكن المشكلة ان بيكون فى خساير بشرية وهما الاشخاص اللى بتم عليهم التجارب دى ، الموضوع دا صعب دلوقتى علشان كل الاضواء متسلطة على أى مختبر بيقوم بالنوع دا من التجارب ، ع** زمان كانت التجارب دى بتم بواسطة الحكومة والجيش احيانا على سبيل المثال تجربة القنبلة النووية الأمريكية ..
مجموعة باحثيين امريكين تابعين للجيش الأمريكى قاموا بحقن بعض المرضى فى ولاية شيكاغو بعنصر البلوتونيوم ، ومرضى تم حقنهم فى ولاية ماساتشوستس بعنصر اليوارنيوم من غير ما يعرفوا ، غير أنه تم حقن عسكريين امريكين كمان دا كله من اجل الاستعداد الامريكى لالقاء القنبلة النووية على هيروشيما وناجازاكى ..
ومن التجارب القوية والخطيرة علاج الملاريا ، الولايات المتحدة الامريكية فى أربعينات القرن الماضى فى الحرب العالمية الثانية كانت الملاريا والأمراض الأستوائية كانت بتقتل جنودها وكان لازم وقتها يجدوا علاج للمشكلة اللى ممكن تؤدى لخسارتهم فى الحرب ، مكنش فى طريقة غير التجارب العلاج على اشخاص حقيقيين وليس فئران تجارب ..
ومن هنا حقنوا بعض المساجين فى الوقت دا بالملاريا ودرسوا اثر العلاج عليهم وعزلوا الافراد اللى تم حقنهم واللى بيتم عليهم التجربة ، عن باقى السجناء لأنهم يحملون وباء قاتل و لولا التجربة دى مكنش توصلوا لعلاج للملاريا والامراض الاستوائية القاتلة .
ومن أقوى وأهم التجارب على البشر على الاطلاق اختراع العقارات الم**رة ، لم تكن العقارات الم**رة ظهرت الا بعد ما قام الطبيب الشهير فى علوم امراض النساء ماريون سميث ، بأجراء معظم عملياته الجراحية التجريبية على النساء العبيد بدون تخدير الى ان توصل الى العقارات الم**رة بعد عدد كبير من الجراحات على النساء العبيد فى الوقت دا ..
ومن التجارب اللى تختص بالحروب والجيوش هي تجربة الغاز على السوفيتيين خلال الحرب الباردة ، كان حلم الاتحاد السوفيتيى اختراع غاز قاتل عديم الرائحة والمذاق خلال 15 دقيقة بالظبط وفعلا تمت التجربة على سجناء فى المعسكرات الاعتقال السوفيتيية بدون علمهم ، ونتيجة التجربة انهم توصلوا لغاز سى 2 السام اللى بيسبب الوفاة خلال15 دقيقة فقط ..
وفى تجارب بشرية تمت على اطفال فى امريكا مجموعة باحثين فى مجال علوم النطق و التحدث نفذوا دراسية نفسية على 22 طفل يتيم فى امريكا سنة 1933 على يد طبيب ويندل جونسون ونتائج التجربة دى كانت تحسن نطق بعض الاطفال واستواء شخصيتهم والباقى اتصابوا بخلل شديد فى قدرتهم على النطق والتعبير وش*هت شخصيتهم للأبد ..
كل التجارب كانت مهمة وفادت المؤسسات الى كانت بتعملها سواء كان مؤسسات حكومية او جيوش او حتى الشعوب والبشر لكن الطبيعى مع كل التجارب دى بيحصل خسارة لارواح الاشخاص اللى بيحصل عليهم التجارب .
لم يتوصل دكتور سعد لمراده من حقيقة معرفة ما يريده دانيال ، ولكنه أزداد قلقا بعد سماعه لكل التجارب الوحشية فقال له :
- طيب يا دانيال ايه نوعية التجارب اللى انت عاوزنا نعملها هنا وهتتنفذ ازاى وضحلنا اكتر ؟
أجابه :
- احنا كمؤسسة علمية فى اوكرانيا اهدافنا الفترة دى هيا عمل أبحاث نقدر من خلالها نتحكم فى الذاكرة البشرية ، يعنى نتحكم فى ذكرياته نحذف منها اللى احنا عاوزينه ونسيب اللى عاوزينه ..
و نجد علاج لعقل مريض بالزهايمر هيكون دا علاج قوى ومؤثر ، دى حاجاات محتاجة تجارب على البشر فى منها تجارب مش هتأثر على حياة الشخص اللى هتم عليه التجربة ، وفى تجارب تانية هتؤدي لخسارة الارواح اللى هتم عليهم التجربة ..
وهيكون فى فريق تبع المؤسسة فى اوكرانيا هيكون متواجد معاكم هنا بصفة مستمرة لحد ما التجارب تتنفذ كلها ، وعلشان كدة يا دكتور سعد هتوفر مكان مناسب للدكاترة اللى هتنفذ التجارب .
قاطع دكتور فهمى الحديث قبل الوصول لنقطة توفير المكان لهذا الفريق قائلا :
- بس دا موضوع محتاج دراسة قوية جدا يا دكتور دانيال ، ع** موضوع الاعضاء البشرية كان مجرد عمليه ببتعمل وناخد العضو نحفظه وحضرتك تستلمه عن طريق الدبلوماسى .
أضاف دكتور سعد لكلام فهمى و رد قائلا :
- دا غير التكلفة الكبيرة للقيام بالتجارب يعنى توفير المكان ولازم يكون بعيد عن الانظار دا ، غير توفير الاشخاص اللى هيتعمل عليهم التجارب .
فهم دانيال ما يقصده دكتور سعد وهو الجانب المادى الذى يهتم به كثيرا لقد كان دانيال يفهم هذا جيدافى طبيعة دكتور سعد فطمئنه قائلا :
- بالنسبة للتكلفة زى ما اتكلمت معاك يا دكتور سعد كل المبالغ اللى هتطلب هتتحول مباشرة لحسابك فى البنك ، الى حددته برة مصر اما بالنسبة للوقت معاكم وقت لكن مش طويل علشان مستعجلين على تنفيذ التجارب ، تانى حاجة بالنسبة لموضوع الاعضاء ..
كنا متفقين على 6 كلى و2 قرنية واتحولت المبالغ فى حسابك يا دكتور سعد ، اتجهزوا علشان الدبلوماسى هيكون فى انتظاركم بكرة فى المكان اللى هيحددوا قبلها ب3 ساعات علشان حد يقابلوه هناك ويسلموا الطرد دا .
أجابه :
- تمام يا دانيال بالنسبة للطرد اللى هيتسلم بكرة للدبلوماسى جاهز ، وهنستنى اللوكيشن اللى الراجل بتاعنا هيسلمه فيه الطرد ، اما بالنسبة للشغل الجديد هنجهز اوضاعنا ونبلغنا باننا جاهزين .
أراد دانيال أنهاء الجلسة والتحرك قائلا :
- تمام يا دكتور سعد على تواصل فى القادم لكن أجعل تجهيز كل شئ فى أسرع وقت ممكن .. هبدأ اتحرك دلوقتى على القاهرة لأن ميعاد الطيارة الساعة 4 عصرأ .
رد عليه بعدما قام من مكانه ليسلم عليه :
- تمام هنجهز كل حاجة فى أسرع وقت وأكلمك يا دانيال .
" بعد مغادرة دانيال مكتب دكتور سعد "
جلس دكتور سعد ومعه دكتور فهمى على المكتب فأردف دكتور سعد قائلا :
- كلم محسن يا فهمى لازم نقعد علشان نجهز كل حاجة ونشوف هننفذ ازاى اكيد محسن عنده افكار مناسبة .
رد عليه :
- تمام يا دكتورهكلمه بس هقوله يجيلنا على المستشفى ولا فين؟
أجابه :
- لا قوله فى البيت عندى كدة كدة انا عايش لوحدى زى ما انت عارف ، قوله الساعة 8 بالليل يقابلنا هناك و عرفه العنوان علشان هو اول مرة يقابلنا هناك .
أراد فهمى التحرك فقال له :
- تمام يا دكتور هروح مكتبى واكلمه وبعدها هنزل اتابع الطوارئ والدكاترة .
بعد الظهر قرية قلين التابعة لكفرالشيخ " منزل عائلة أشرف " .
جلس عم أشرف بعدما نادى على أبن أخيه وأتى وجلس بجانبه فأردف قائلا له :
- بص يا عادل يا حبيبى انا اتكلمت مع دكتور فهمى نائب مدير المستشفى ، على شغل ليك و هو راجل محترم و وعدنى هيشوفلك شغل أول ما يكلمنى هقولك على طول .
أبتسم عادل من فرحته لقد ظل مدة بدون عمل وهذا على غير عادته وقال له :
- ربنا يخليك يا عمى يارب ومننحرمش منك يارب .
أخذه فى حضنه وقال له:
- يا واد انت ابنى و أبوك أنا مش بعتبره أخويا الصغير لا بعتبره أبنى الكبير هو ابوك فى المحل ولا فين ؟
أجابه :
- لسة رايح يفتح محل البقالة من ساعة كدة يا عمى .
قام من مجلسه وتحرك قائلا :
- ماشى يا عادل هروحله اقعد معاه شوية .
بعد تحرك أشرف من المنزل وذهابه ألى محل أخوه حسن دخل عليه ، وكان يظن حسن أن أشرف فى المستشفى فقال له :
- ما روحتش انت المستشفى يا اشرف يا اخويا انهاردة شكلك كدة ؟
أجابه أشرف :
- لا اجازة أن انهاردة المهم انت عامل ايه يا حسن واخبار الشغل ايه معاك ؟
أجابه :
- والله الحمدلله فضل ونعمة من الله يا اخويا والشغل أهو ماشى شوية ومريح شوية .
رد محاولا طمئنته على عادل قليلا فقال له :
- ربنا يوسع رزقك يا حبيبى انا اتكلمت مع الدكتور فى المستشفى على شغل عادل زى ما قولتلك ، الواد لازم يعتمد على نفسه اعتماد كامل بعد ما خلص جيش و يشتغل و ربنا يوفقه فى اللى جاى يارب .
فرح حسن وقال :
- ربنا يباركلك يا اخويا يارب بس تكون شغلانة كويسة و أمان انت عارف انا مليش غيره ، يا اشرف فا ياريت الشغلانة تكون مفيهاش مرمطة و بهدلة .
هز رأسه له مطمئنا ووضع يده على كتفه وقال :
- متخافش هتبقى شغلانة مفيهاش الكلام دا انا قولت للدكتور ياريت شغلانة امن او اى حاجة كويسة ، وبعدين انا مليش غيرك انت وعادل مخلفتش بس بعتبرك انت وعادل اولادى .
رد عليه فرحا :
- ربنا يباركلنا في عمرك يا اخويا ويخليك لينا .
المستشفى "مبيت الدكاترة " أوضة دكتور كريم .
كان يتحدث دائما دكتور كريم مع أمه و زوجته بعد عمله قبل أن ينام .. فأتصل بأمه وعندما ردت عليه قال لها :
- ازيك يا ماما يا حبيبتى عاملة ايه طمنينى عليكى وعلى بابا ؟
ردت عليه أمه بصوت يملئ الحنين متلهفة على ولدها قائلة له :
- كويسين والله يا كريم يا حبيبى وحشتنا والله طمنى انت عليك عامل ايه وبتاكل كويس ولا لا ؟
أجابها مطمئنا لها :
- الحمدلله يا ماما كله تمام وباكل كويس والله بس اكيد عاوز اكل من ايدك صينية المكرونة بالبشاميل اللى بحبها من ايدك .
ضحكت الأم وقالت :
- يا حبيبى عيونى بس تعالى انت مش ناوى يا كريم تشوف مستشفى هنا فى القاهرة ، تشتغل فيها وتبقى جنبنا وجنب عيالك ومراتك بدل السفر كل شوية دا ، من القاهرة وكفرالشيخ رايح جاى زى ما تكون فى غربة يا ابنى او حتى افتح عيادة واستقر هنا .
كان مقتنعا بكلام والدته ولكنه كان على يقين بأن وقت حدوث ذلك لم يأتى بعد فقال لها :
- يا ماما يا حبيبتى مرحلة وهتعدى ان شاء الله وبعدين ما انا قولتلك قبل كدة ، المستشفى اللى كنت شغال فيها فى القاهرة كان مرتبها يدوب مقضى بالعافية وانا قبلت بالشغل بالمستشفى هنا علشان المرتب كويس ، وفترة واكون قدرت اجهز انى ارجع استقر فى القاهرة وافتح العيادة بس هيا مسألة وقت ادعيلى بس وهيا مرحلة وهتعدى يا ماما يا حبيبتى ان شاء الله .
لم تجد الأم أن الضغط عليه فى الكلام مرة أخرة مفيدا أن كلامه صحيح فردت عليه وهي تدعو له قائلا :
- أن شاء الله يا حبيبى وربنا يد*ك الصحة هتيجى امتى الاجازة الجاية ؟
أجابها :
- الاسبوع الجاى ان شاء الله يا حبيبتى .
لاحظت الأم رغبة زوجة أبنها فى التحدث أليه وجدتها تنظر أليها منتظرة أن تحدثه فى عيونها حبا جما له ففرحت لذلك وقالت له :
- على خير يارب هنا مراتك جنبى خد عاوزة تكلمك هسيبكم تتكلموا .
بدأ الحديث بالأطمئنان قائلة له :
- ايه يا حبيبى عامل ايه طمنى عليك ؟
أجابها :
- الحمدلله يا حبيبتى انتى عاملة ايه ومحمد و أسيل عاملين ايه ؟
أجابته :
- حلوين والله كلنا طمنى عليك انت وحشتنى و محمد أسيل نفسهم يشوفك .
طمئنها قائلا :
- الحمدلله انا كويس وانتى وحشتينى يا حبيبتى والولاد وحشونى جدا ، هانت الاسبوع الجاى نازل اجازة وزى ما كنا متكلمين قبل كدة كلها فترة وهسيب هنا ، لما اكون قدرت اجهز علشان افتح العيادة واستقر معاكم فى القاهرة .
بصوت دافئ ردت عليه :
- خير يا حبيبى وربنا يعينك انت خلصت نبطشية الليل وهتنام دلوقتى ولا هتعمل ايه ؟
أجابها :
- اه شوية وهنام علشان اصحى بالليل لنبطشية الليل ما انتى عارفة ، هيا بعد كل اجازة ببدل مع الدكاترة هنا كل اسبوعين واحد بيستلم الطوارئ بالليل .
وقبل أنهاء المكالمة قالت له :
- الله يعينك يا حبيبى ويقويك أحنا كويسين مش تقلق علينا ارتاح انت .
رد عليها :
- ماشى يا حبيبتى خلى بالك من نفسك ومن ماما ومن الولاد هقفل أنا وأنام ولو فى حاجة كلمينى على طول باى يا حبيبتى .
طمئنته :
- حاضر يا حبيبى باى و تصبح على خير .
- Writer
