“PROBLEMA iyan, Zantiago.”
Sang-ayon si Zantiago sa sinabi ng kuya niya. Ikinuwento niya rito ang ginawa ni Khloe. Nasa ilog silang dalawa at nilalabhan ang ilang kumot nang umagang iyon. Ayaw muna sana niyang magkuwento ngunit napansin nitong maligalig siya nang mga nakalipas na araw. Ayaw kasi siyang tantanan ni Khloe. Buo talaga ang paniniwala ng dalaga na may relasyon na sila. Pinagtatawanan na sila ng kanilang mga kaklase. Noong una ay halos gumulong sa katatawa ang kuya niya ngunit nang makapag-isip na nang malinaw ay kaagad natanto ni Kuya Gregorio na malaking problema iyon.
“Sinabi ko na sa `yo na hindi ka nababagay sa kanya.”
“Alam na alam ko naman `yon, Kuya.” Palagi nito iyong ipinapaalala, paano niya makakalimutan? “Siya itong makulit. Ayaw niyang maniwala sa mga sinasabi ko
