AYAW magsinungaling ni Zantiago kay Khloe ngunit alam niyang kailangan. Hindi rin niya gustong saktan ang dalaga sa kanyang pagtanggi. Mukha namang hindi ito nasaktan pero mukhang galit na galit sa kanya.
Hindi pa rin niya maintindihan kung bakit naisip kaagad ni Khloe na sila na pagkatapos niyang mangako. Kunsabagay, tama ang sinabi nito. Hindi basta-basta mangangako ng mga ganoong bagay ang isang lalaki kung hindi importante ang babaeng pinangangakuan. At aminado si Zantiago na hindi niya makalimutan ang paghalik nito sa kanya sa pisngi.
Hindi rin maikakaila ni Zantiago sa sarili na tama si Khloe sa pagsasabing mahal niya ito.
Ngunit masyadong mahalaga sa kanya si Khloe upang basta na lang hayaan sa gusto nito. Mas iniisip ni Zantiago ang kapakanan ng dalaga kaysa sa kanyang kapakanan
