CHAPTER 79
Isang-isa na lang ang kailangan kong patunayan ngayon. Ang makuha ang award bukas ng gabi at kung ako ang mananalo ay alam kong tuluyan ko nang mabawi si Bradley. Susunod siya sa lahat ng gusto ko. Tatalikuran na namin ang magulong mundo ng industriya at mamuhay kaming dalawa na tahimik. Malayo sa mga intriga at nakakapagod na trabaho sa industriya. Hindi na namin kailangan nakangiti maghapon kahit masama ang aming pakiramdam. Napakasaya lang na isiping muli na naming hawak ang aming buhay. Isang-isa na lang ang kailangan kong patunayan at talo ko na si Brad sa aming deal. Kahit sinabi niya sa aking suko na siya sa aming deal nang nakaraang araw ngunit siya pa rin kasi ang nagdedesisyon sa kung ano ang dapat kong gawin. Oo nga't sumuko na siya ngunit hindi na siya muli pang nag
