Pearl Angeline
"Pearl, you haven't told me about the guy."
Binisita ako ni Catherine sa flower shop ng biglaan at walang abiso. Hindi ko napigilang magulat nang makita ko siya. Hindi ko kasi inaasahan ang pagdating niya, pero alam kong nasabi niya nga sa chat na kakausapin niya ako ng personal.
Hindi ko naman sinasabing bawal siyang bumisita, kaya lang ay nagulat lang talaga ako dahil hindi ko pa nasabi sa kaniya ang tungkol dito. Mag-isa lang ako sa shop. Si Amrose naman ang off ngayon.
"You're so unfair, Pearl," dagdag niya, nakapamaywang habang iniikot ang paningin sa loob ng shop.
"Nagpalit ka lang ng address, hindi mo na sa'kin binabanggit ang lahat ng nangyayari sa buhay mo. Kung hindi pa sinabi ng kakilala ko, hindi ko pa malalaman na ikaw pala ang may-ari ng flower shop na 't
