Sa pangatlong araw ng aking pagpapahinga ay tsaka lang ako nagkaroon ng lakas na makabangon sa aking kinahihigaan. Napalingon ako sa paligid at napansin ko ang maliit na silid na aking kinalalagyan.
Hindi ito pamilyar sa akin. Nag-iba ba ang bahay na aming tinutuluyan? Lumipat kaya ng bahay ang kabalyero?
Pansin ko ang pagpasok ng kabalyero sa silid. May dala itong mangkok at isang basong tubig. Ipinatong niya ito sa maliit na lamesa. Marahan akong bumangon at umupo sa kama.
"Alam kong nagtataka ka ngayon kung nasaan tayo. Kinakailangan kong dalhin ka sa isang ligtas na lugar. Patawad kung hindi ko ito sinabi sa iyo," paghingi niya ng tawad sa akin.
Tumango ako. "Hindi ako nagagalit, hindi ka na dapat pang humingi ng tawad sa akin," mahina kong sabi sa kaniya.
"Kung pagpapahinga man
