Luna
Sumapit ang araw nang pagtatapos namin nang hindi nakakauwi si Tristan. Matapos ang huling engkwentro namin ni Christian, hindi na ako muling bumalik pa sa baranggay. Tinapos ko na ang part time job ko kay Christian. Hinayaan ko na si Mam Betty ang magtuloy sa campaign needs nito tutal nalalapit na rin naman ang kampanya at halos lahat naman ay naiayos ko na. Itutuloy na lang nila kung anuman ang nasimulan.
“Bilisan niyo baka mahuli tayo sa venue” sigaw ni Nanay. Sa isang events place gaganapin ang aming graduation dito sa bayan kaya naman umupa si tatay ng aming masasakyan papunta sa bayan.
“Nandyan na ba yung invitation natin?” Tanong ni Nanay kay Tatay nang makapasok kami sa loob ng sasakyan. Tinignan naman ito ni Tatay sa dala naming bag at nang masigurong nandun, saka kami um
