Mabilis na lumipas ang araw nang hindi ko man lang namamalayan. Nakalaya na rin ako sa kompanya ni Kazimir at kasalukuyan akong nandito sa condo ni Mira.
Nabalitaan ko rin sa internet na tumigil na muna si Mira sa pagiging artista at inirason ng management ni Mira na magpapahinga raw muna ito ng ilang buwan bago sumabak na ulit.
Naging laman si Mira sa iba’t-ibang social media platforms at karamihan sa kaniyang fans ay nalungkot dahil daw mami-miss nila ang kanilang iniidolo.
Bukod kasi sa magaling umarte si Mira ay mabait din ito sa kaniyang mga fans kaya lahat ay nagulat sa biglaan nitong pagtigil. May ilan namang negatibo ang reaksiyon pero hindi iyon pinansin ni Mira dahil ang kaniyang priority ay ang kaniyang pagbubuntis.
Ilang beses siyang sinabihan ng kaniyang manager na iwasan
