"Kailan mo balak mag-apply, Astrid?" tanong ni Eisley sa akin. Kompleto kami ngayon dito sa condo ni Mira dahil napag-isipan naming lahat na mag-overnight dito. Ngayon lang din kasi naging free sina Eisley at Linnea dahil sobra-sobra na raw ang overtime nila nitong mga nagdaang araw.
"Hindi ko pa alam. Baka siguro kapag nakapunta na sina Linnea at Mira sa New Zealand," sagot ko kaya naman umismid si Azalea nang matapos itong uminom ng soft drink.
"Sus! Sinasabi nga namin na mag-apply na lang sa company na pinagtatrabuhan namin dahil guwapo ang boss namin pero ayaw niya!" biglang singit ni Azalea.
"Para sana makapag-move on na siya kay Kazimir na babaero," biglaang hirit naman ni Jewel na siya namang ikinailing ko dahil kada mag-uusap kami tungkol sa trabaho at sa boss nila ay isinisingi
