FARRAH
Nang gabing iyon ay hindi na ako nakatulog. Bago ako pumunta ng aking kwarto ay kinausap ko muna si mama. Siguro mahirap tanggapin para rito na nalubog kami sa utang pero alam ko na hindi nito matitiis si papa. Wala din naman alam si papa kung bakit kami nalubog sa utang pero alam ko na maaayos din nito ang lahat.
Madaling araw na ako nakatulog kaya naman ay hirap ako bumangon ng umaga. Pero dahil kailangan kong pumasok ay pinilit kong bumangon. Naligo na din ako at inayos ang aking mga gamit. Pagbaba ko ay hindi ko nakita ang magulang ko sa sala. Madalas naman na palagi silang nasa sala kapag umaga pero ngayon ay wala sila doon.
Tinungo ko ang dining area namin at doon ko sila nakita. Parehong tahimik ang mga ito. Pero kahit hindi maganda ang nangyari kagabi ay hindi dapat ako
