FARRAH
Bahagya akong kumilos at marahan na iminulat ang aking mga mata. May naririnig akong mga nag-uusap ngunit hindi ko alam kung saan.
Inilibot ang aking paningin para malaman kung saan ako naroroon. Puti ang aking nakikitang kisame at padir. Sinubukan kong bumangon ngunit nakaramdam ako ng pagkahilo. Muli akong nahiga.
Napansin ko ang nakakabit sa aking kamay. Saka ko lang napagtanto na nasa silid ako ng isang ospital.
Agad na pumasok sa isip ko ang nangyari bago ako nawalan ng malay.
Mabilis kong nilapat ang aking palad sa aking t'yan.
Hindi ko napigilan ang maluha ng mahawakan ko na iyon.
Muli kong nilibot ang mata sa loob ng silid. Napansin ko na bahagyang nakaawang ang pinto.
"P-pa?" mahina kong tawag sa aking ama habang patuloy na umaagos ang aking luha. "P-papa?" u
