FARRAH
Kinabukasan ay nagplano kaming lahat tungkol sa baby shower na magaganap. Kinumbita namin ang mga malapit lang na kaibigan ni Zick alang-alang na rin sa siguridad namin.
Sa parte ko naman ay ang mga kasama ko sa trabaho at si Selina ang inimbitahan ko.
Abala ang mga kasama ko sa bahay buong maghapon. Samantalang ako ay nahihilo na dahil sa paroo't parito ng mga ito. Hindi nila ako hinahayaang kumilos.
Kaysa ang mahilo ako sa mga ito ay minabuti ko na lamang ang pumanhik sa taas at magkulong sa kwarto namin ni Zick dahil wala naman akong naitutulong sa mga ito.
Hindi pa man ako nakakahakbang sa unang baitang ay may humawak na sa aking bewang at braso.
Sinulyapan ko ito at ang nakangiting si Zick ang bumungad sa kin.
"Gusto mo ba panoorin si Jason?" tanong nito sa 'kin. M
