NABUSOG ang mga mata ni Chesca nang yayain siya ni Asher sa mall. Bumili kasi ito ng mga bagong gamit sa bahay at mga damit na pwedeng gamitin ng lalaki sa mga out-of-town meetings nito.
Ngunit kahit na anong kulit ng lalaki na bumili siya ng mga gusto niyang bilhin, tumanggi siya. Hindi naman siya iyong tipo ng babae na makolorete sa mukha at napakaraming gustong materyal na bagay.
Sapat na sa kanya iyong naiba ang ambiance ng paligid. Isang linggo na rin siyang nagtatrabaho sa lalaki at ito na ang nagsilbing day-off niya.
"Let's eat," sabi ni Asher matapos niyang maibaba ang mga pinamili sa compartment ng kotse.
Bumalik sila sa mall at naghanap ng makakainan.
Hindi na muna siya nakipagtalo sa lalaki mula noong unang araw niya. Alam din naman niya sa sarili na hindi niya kayang
