HINDI nilubayan ng tingin ni Shanaia si Brandon matapos nitong isiwalat ang tinatagong sikreto.
Sikreto nilang kapatid iyon nang napakatagal nang panahon.
"K-kapatid ka ni Diane? Alam ba 'to ni Asher?" hindi makapaniwalang tanong ni Shanaia.
"Kapatid niya ako. Apat na taon ang agwat naming dalawa. Walang alam si Asher dito. Ngayong alam mo na, wala akong pakialam kung sabihin mo ang balita na iyan sa madla.
"Ang tanong ko naman ang sagutin mo. Saan mo nakuha iyang mga sugat at pasa mo?"
"H-hindi ko pwedeng sabihin sa 'yo." Umiwas ng tingin si Shanaia sa lalaki. Itinago na rin nito ang mga kamay na mayroong mga sugat.
"Bakit hindi pwede?"
"S-sa susunod na pag-uusap natin, saka ko sasabihin sa 'yo." Nakita niya sa kanyang peripheral vision ang isang lalaki na nakaupo sa unahang
