"CHESCA..."
Napalingon si Chesca nang marinig ang malambing na tinig ng isang napakagandang babaeng tumatawag sa kanya.
Nakasuot ito ng puting inner shirt at jumperpants. Nakatali ang buhok nitong kulot ang dulo at sumusunod ang full bangs nito sa paghawi ng hangin.
Narito silang dalawa ngayon sa isang luntiang parke. Napakapayapa ng kapaligiran. Hindi lang sila ang nag-pi-picnic doon ngunit malayo sila sa mga tao.
May mga bata pang naglalaro sa slide at see-saw na lubos nilang ikinatuwa. Mayroon pa ngang mga paru-paro na dumadapo sa mga nakakalat na mga bulaklak doon.
Nakaupo ang babae sa tapat niya at may hawak itong isang sandwich.
"Kumusta ka?" tanong sa kanya nito.
"Maayos naman ako. Ikaw?" masayang sabi niya habang nakangiti.
Malungkot na ngiti ang sinagot sa kanya ng
