"WALA kayong dapat ikabalaha sa naging sugat ni Ricky sa ulo. Ang mas bigyang-pansin ninyo ay ang kanyang puso. Huwag dapat siyang ma-stress at mamrublema. Kailangan niyang makapag-relax at malayo sa problematic environment," pahayag ng doktor ni Mang Ricky.
Nang makarating siya sa ospital at makakwentuhan ang ina ay saka naman dumating ang attending doctor ng ama. Suki na sila ng ospital na ito dahil dito rin nila dinala ang ama noong naaksidente ito.
"Ano pong ibig ninyong sabihin, Doc?" tanong ni Chesca. Sa pagkakasabi pa lamang ng doktor kanina ay mayroon nang hindi magandang balita ito para sa kanila.
Hindi siya handa.
"May heart enlargement ang papa mo, hija." Napaupo si Aling Susan sa silya. Nakatanaw lang ito sa asawang hanggang ngayon ay nakapikit pa rin. Kusang dumadaloy
