TATLONG araw matapos ang pagkikita nilang dalawa ay nagsumbong si Chesca kay Maylori sa pag-aakalang kakampihan siya nito.
"Bakit ba kasi hindi mo pa kasi patulan iyong offer ni Asher?" tanong ni Maylori sa kanya habang nasa kabilan linya.
"Ayoko nga. Maglo-loan na lang siguro ako sa bangko para makauwi kami."
"Maglo-loan ka? Paano mo babayaran?" prangkang sabi nito sa kanya.
"Alam mo, imbis na tinutulungan mo ako, ganyan ka pa sa akin." Inirapan niya si Maylori kahit kausap niya lang ito sa telepono.
"Gaga ka kasi. Palay na iyong lumalapit sa manok, 'di mo pa tukain nang husto. Kahit ngayon lang, Chesca, isantabi mo naman muna iyang pride mo. Kung hindi mo nagustuhan sa bahay niya, then leave. At least, nabayaran niya na ang utang ninyo," ika nito.
"Hindi ganoon kadali iyon, Ma
