"WHAT'S your plan, Tita?"
Nakaupo si Hyera sa mini garden ni Mariz sa ikalawang bahay nito. Naroon sina Gibson at George na nakabantay sa dalawa. Si Shanaia naman ay tulog pa sa secret basement.
Walang kaalam-alam ang pinsan nitong nasa ilalim ng inaapakan niyang lupa ang babae.
"Just stick on our plan. Hindi na problema ang pera sa atin dahil ibinigay na ni Shanaia ang safe. Hindi ko aakalaing iyon lang ang magpapakanta sa kanya," ngingiti-ngiting sabi nito habang nagdidilig ng mga halaman.
"Gusto ko sanang hindi maniwala sa 'yo pero kinabukasan no'n, umamin si Tita Agnes na krimeng ginawa niya. Paano mo nalaman 'yon, Tita?"
"You don't have to know it, hija. Ang mahalaga ngayon ay ang maialis natin sa landas natin ang mga sagabal. Kung mauuna nating maialis si Chesca, mas maganda
