ALAS KWATRO pa lang ng hapon matapos nilang tapusin ang mga nahintong gawain sa opisina ay umuwi na si Asher.
Nawalan na rin siya nang ganang pumirma pa nang iilang papeles kaya sinabihan niya si Brandon na bukas niya na lang ito tatapusin.
Hindi siya mapakali dahil sa insidente kanina. Hindi niya lubos maisip na gagawa ng isang delikadong kilos ang ina para lang sa kabaliwan nito.
Naawa rin siya kay Ms. Dela Vega kaya balak niya itong kausapin pagkatapos ipagamot ni Brandon.
Gustong-gusto niya nang kausapin ang ina na tigilan na ang panggugulo sa kanya ngunit hindi niya na ito makontak. Mukhang nagpalit ito ng numero pagkatapos nang huling pag-uusap nila.
Ni hindi rin daw ito makita sa rest house kung saan ito namamalagi. Sa mga susunod na araw ay balak na nina Landon na tiktika
