"HAYOP KA! Nasaan si Shanaia?!" galit na galit na sabi ni Agnes nang tawagan niya si Mariz.
"Oh, gabing-gabi na napatawag ka pa para riyan? Hindi ba pwedeng ipagpabukas na lang natin?"
"Nasaan si Shanaia, Mariz?" pag-uulit nito.
"Hindi ko alam. Bakit mo sa akin 'yan tinatanong? Hindi ba't ikaw ang ina?"
"Ganyan ka ba talaga tumira? Palaging patalikod?" Natawa si Mariz kung paano siya asarin ng ginang.
"Gusto mo ba talagang asarin kita? Baka hindi mo magustuhan kapag nangyari 'yon," segunda nito.
"Anong ginawa mo sa anak ko?"
"May ebidensya ka bang nasa akin si Shanaia?"
Hindi umimik si Agnes.
"A-alam kong nasa 'yo siya. Nararamdaman ko. Ibalik mo na siya sa akin, Mariz. Pakiusap..." Kasabay noon ay ang mahinang paghagulgol nito sa kabilang linya.
"Hindi mo ako madadaan sa
