Gamit ang dalawang kamay ay mahigpit siyang humawak sa kanang braso ni Zeke nang papalapit na sila sa kuya nito at sa Lola niya. Ginawa niya iyon para tahasang ipakita sa mga ito na hindi sila-- lalong-lalo na siya—papayag na paghiwalayin ng mga ito. Mawala man ang lahat sa kanya pati ang apelyido ng tunay niyang ama ay papanindigan niya and desisyon niyang ipaglaban ang relasyon nila ni Zeke.
Nang makalapit sila ay tumayo siya sa mismong harap ng lola niya habang nagpapalitan naman ng makahulugang tingin si Zeke at ang kuya nito, na panaka-naka ring sumusulyap sa kanya.
“Lola… ano po ang ginagawa mo rito?” mahinahon niyang tanong sa lola niya habang sumusulyap-sulyap pa rin siya sa kuya ni Zeke.
“I want to talk to you… alone.” Anito na sumulyap pa kay Zeke.
Pero hindi siya nakaramdam
