Pagkauwi niya sa bahay ay sinalubong siya ng Lola niya sa sala. Wala siyang nabakas na galit sa ekspresyon nito bagkus ay nakangiti pa ito sa kanya. Sinalubong siya nito ng yakap.
Parang nakokonsensiya tuloy siya sa lahat ng inililihim niya rito lalo na sa mga nagawa niya noon. Ayaw niyang biguin ang lola niya.
So far, mula nang magising siya ay wala pa itong ipinakitang hindi maganda sa kanya. Oo minsan seryoso at istrikto ito pero mabait ito sa kanya. Kaya paano niya nagawang itago mula rito ang relasyon nila ng Tito Zeke niya? Para na rin niyang niloko ang lola niya.
“You’re finally home. You made me worried.” nakangiti nitong sabi. Napakamaunawain talaga ng Lola niya sa kanya.
“Pasensiya na po Lola.”
“Kumain ka na ba?”
“Kaunti po. Wala pa po akong gana.” Aniya.
“Ok. Just go upst
