“This is your fault, Quinn,” bungad ko sa kaibigan nang sa wakas ay sagutin niya ang tawag ko.
Ang sabi ni MJ ay ngayong gabi na ang uwi nito kaya naman pagbalik na pagbalik namin sa condominium, pagpasok ko sa unit ko ay agad ko itong tinawagan.
“H-Ha? Ano bang hinahanash mo teh?” balik niya na para bang wala talaga siyang kaalam-alam sa sitwasyong kinalugmukan ko.
“Sino kayang hindi sumipot para tulungan ako?” sarkastikong tanong ko sabay upo sa sofa ko. Nang ‘di pa nakuntento’y humiga ako rito.
“Eh pinuntahan ka naman ni MJ ‘di ba?” Napairap ako sa narinig.
“Ayun nga ang mas malaking problema! Hindi mo na ‘ko sinipot, mas ginawa mo pang kumplikado ang sitwasyon ko dahil sa pagdamay kay MJ.”
“Teka nga, ano ba talagang ganap?” Sa tono ng pananalita ni Quinn ay mukhang ‘di pa naka
