Inilahad ni MJ ang kanyang kamay sa akin upang tulungan ako sa paglalakad sa madulas na bato hanggang sa makalublob kami ng tuluyan sa talon. Napatingin naman ako rito sandali dahil sa alaalang biglang bumalik sa akin.
“Bakit?” MJ asked in amusement. Marahil ay napansin niya rin ang pagpipigil ko ng ngiti.
Pinagdikit ko naman ang labi ko bago nagkibit-balikat. At imbes na tanggapin ang inaalok niya, hinampas ko ang kamay niya, animo nakipag-apir. Agad ko siyang nilagpasan pagkatapos.
“Ga!” Narinig kong tawag ni MJ pero mabilis akong nakalublob sa talon. Bago pa niya ‘ko mahawakan ay nagsimula na ‘kong lumangoy papalayo.
Tuloy ay naghahabol ako ng hininga pag-ahon ko. Tawang-tawa nga lang ako nang makaharap ko agad si MJ. Tatakas pa sana ‘ko pero agad niya ‘kong nahuli. Ipinulupot niy
