It feels odd to go out of the office with my workmates with no meeting agenda. Sumasama lang kasi talaga ako sa kanila kapag work-related. Pero dahil nag-yes na ako kay Irene at may isang salita ako ay talagang sumama ako papunta sa Korean restaurant malapit lang sa RSE building.
“Hindi pa rin ako makapaniwalang kasama natin mag-samgyup si Tiffany,” komento ni Sir Edward na napa-slow clap pa. Sinang-ayunan naman siya ng ibang mga katrabaho namin kaya napailing na lang ako habang tipid na nakangiti.
Kahit naman ako ay hindi makapaniwalang sumama ako sa kanila. Sa lahat ng mga taong pwede kong samahan ngayon ay sila pa talaga ang napili ko. Nagagaya na yata ako kay MJ sa pagiging impulsive.
Ako na ang nagprisentang magluto para hindi ko kailanganing magsalita nang magsalita. Nakikinig l
