Ilang beses kong hinahampas sa palad ko ang cellphone kong hanggang ngayon ay hindi pa rin bumubukas. Maghapon itong naka-charge kanina, pero ayaw na talagang gumana. As in black out.
Mukhang natuluyan na kung kailan naman kailangan kong kontakin si Brent. Paniguradong tadtad na ako ng text ng lalaking iyon. Malakas akong bumuntonghininga.
May pambili naman na ako ngunit wala akong oras sa ngayon dahil naghahanda na rin ako sa pag-alis. Base sa papel kasama no'ng dress ay alas siete ang simula, naroon na rin ang address ng bahay ng mga Salvatore.
Sa totoo lang ay alanganin ako, hindi ko alam kung pupunta ba ako o huwag na lang. Kasi hindi ko rin naman alam kung pupunta si Brent, o kung pumayag siya sa anyaya noon ni Shirley sa kaniya.
"Ang ganda-ganda mo, anak..." ani Mama na siyang in
