Pagkatapos ng magkasunod na klase ko ngayong umaga ay tinawagan ko si Joyce. Ngunit si Tita Cora ang sumagot.
“Naku, Vera, mataas ang lagnat at talagang tinatrangkaso. Tulog siya ngayon. Pero sasabihin ko na tumawag ka,” pagbibigay-alam pa niya sa akin.
“Gano’n po ba? Sige po, dadalawin ko siya mamayang hapon pagkatapos ng klase.”
Pagkatapos niyon ay nagpaalam na ako dahil naririto na sa harap ko ang president ng klase namin. Seryoso itong nakatingin sa akin at halatang may sasabihin.
“Ipinapatawag ka sa President’s office. Siguro dahil sa nangyari kaninang umaga,” sabi niya sa akin. Kinabahan naman ako agad. Actually, itong si Ronna ay mabait at napakaresponsableng lider kaya hinahangaan talaga dito sa department namin. Pero tumindi ang kaba ko dahil ngayon ko lang makakausap ng hara
