“Ligo tayo,” aya sa kaniya ni Ruth.
“Oo nga, paniguradong malinaw ang tubig ngayon kasi umulan kaninang madaling araw,” sabat naman ni Fatima.
“May sapa ba rito?” tanong niya.
“Oo, nasa baba lang. Malapit lang dito,” sagot naman ni Ruth.
“Saan pala sila?” usisa ni Elle nang mapansing wala ang mga kalalakihan.
“Nauna na sila at nanghuhuli rin ng isda. Maraming tilapia rito,” sagot ni Fatima.
“Tara?”
Tumango naman si Elle at inayos ang mahabang buhok. Tinalian niya iyon at naglakad na sila pababa. Kasama nila ang dalagang si Timor. Medyo maputik ang daan pababa kaya hinay-hinay lang sila.
“Ay!”
Hindi naman alam ni Elle ang gagawin nang makita si Fatima na nadulas. Tawang-tawa ito habang bumubulusok pababa.
“Hoy!” sigaw naman ni Ruth at humalakhak.
Hindi na rin napigilan ni Elle an
