HINDI KAILANGAN magpahalata ni Markus na nagdududa siya sa katauhan ng attorney na kanyang kaharap ngayo. Sinamahan niya itong ikutin ang buong paligid ng kanyang bahay. Kung ito nga si Samuel ay gusto niya itong patayin. Unti-unting sakalin hanggang sa malagutan ito ng hininga. Gusto niyang iparanas dito ang takot na naramdaman ng mahal niya kanina.
"Sa laki ng bahay na ito ay kayong dalawang magkapatid lang ang nakatira?" nagtatakang tanong sa kanya ni Attorney Drew. Mailap ang mga mata nito na tila hindi naman pinagmamasdan ang bahay kundi tila may hinahanap ito.
"Dito rin nakatira ang girlfriend ko. May aksidente lang na nangyari kanina kaya nagpapahinga siya sa kwarto. Okay lang naman yun hindi ba? Gusto ka nga sana niyang makilala pero hindi talaga pwede," sagot niya. Si Mark ay n
