مجانين في مطاردة

البارت السادس

حسام : بقيتي كويسه

مليكه و الدموع بعينيها : تمام ..

حسام : كنتي فين ؟....قعدت ادور عليكي

مليكة : كنت بأرد على التليفون ....

اميرة : مالك؟

مليكة : مفيش تعبانه ..شويه ...لسه قدامنا قد ايه عقبال ما نمشي

حسام : كله خلص ... و هناخده نصلي عليه و نطلع المدافن ...و كلمت منال و هاروح اجيبهم

بعد عده ساعات

في العزاء

مليكه : طنط ....بعد ما يخلص العزا خدي ماما و منال بس هاشوف كليتها ...و بعدين هابعتها ليكي ....علشان تفضل معاها

اميره : و انتي

مليكه : لازم افضل شويه ....لاسف ...هاخلص حاجات هنا اول ما اخلص و الامور تستقر ...انا هاجي على طول

اميره : هتفضلي هنا ازاي لوحدك

مليكه : انا و سارة يعني مش هابقى لوحدي ..عادي ...متقلقيش ..عليا ...انا مش باخاف ....

اميره : الصراحه لو دخل عندك حرامي ....نخاف عليه منك ههههههههههه

مليكه بضحك : انتي اللي قولتي .....صدقني هاظبط اموري ....و اجي و لو نفع ننقل كل حاجه....و اشوف سارة ...علشان متفضلش هنا لوحدها

و بعد انتهاء ايام العزا

مليكه : هتوحشيني يا ماما اوي ...معلش هاسيبك تسافري مع طنط و حسام ....و منال اسبوعين و اجيلك ...و انا هاخلص اللي ورايا وهاجي ....وحسام خلى بالك منهم .

حسام : في عينيا .....لو محتاجه حاجه عرفيني ...وانا هاجيلك على طول

سارة بدموع و تحضن ليلى : هتوحشيني يا لولا ...

ليلى : و انتي كمان ...خلي بالكم من نفسكم

مليكه : حسام كنت عايزك في خدمه

حسام : معاكي

مليكه : عايزاك تشوف طريقه احول ورق منال لكليه تجاره اسكندريه من غير ما السنه تضيع عليها

حسام : هاشوف و ارد عليكي .

منال : هتوحشني ياماما

اميره : يلا يا حسام .....خلي بالكم من نفسكم

مليكه و سارة : تمام ...مع السلامه و هنكلمك على طول ياماما

******************************************

بعد مرور كام يوم .

مليكه تدخل بيتها ....تسمع عياط من غرفه منال

سارة : اهدي بس ...علشاني ...طيب قولي ايه اللي حصل

منال : مفيش حاجه ....

سارة : يا بنتي ...متقلقيش اختك عليكي كفاية اللي هي فيه ...

منال : .................

مليكه بخضه : مالك في ايه ؟

منال : مفيش ...

مليكه : قولي في ايه واخلصي .

منال : عرفت قاتل ياسين .

سارة و مليكة في صدمة وان واحد : مين

فلاش باك

بيري : لمنال ..اخبارك ايه دلوقتي ..بالرغم من كرهها لها في الماضي..الا انها متعاطفه معاها ومع قلبها ...الذي رحل مع ذلك الراحل .....لتهون على نفسها و تتذكر الماضي الذي مرت به من قبل ...للاسف ما تمر به منال الان ...يعيد تلك الأحداث أمامها ..لتعيد ذلك المشهد الذي لم و لن تنساه بحياتها ...في بعض الأحيان المظاهر خداعة ...ترى فيها احكام ...و لكن من داخل الأشخاص تجدها وسيلة للهروب من ماضي اليم ...او ذكرى كل شخص يعبر عنها بطريقة مختلفة عن غيره ..ولكن في النهاية ...كلها الآلام لم تشفى .....فتلك الحادثة تذكرها باخيها يوسف أخيها الأكبر ..الذي توفي وهو طفل 7 سنوات و هي 5سنوات نتيجة حادث سياره امام عينيها ...و هي صغيره ... تلك الحادثه ...فلم يكن احد يعرف ان كان لبيري اخ اكبر ...و كانوا يعتقدون انها وحيده

منال : الواحد تعبان اوي ....حاسة اني فاضيه ...حاجه ضايعه مني .....حاسه اني لوحدي ...هو يرجع و هاعمل كل اللي هو عايزه ...مش هازعله تاني ...

بيري بحزن : طيب اهدي ...هو في مكان كويس وشايفك دلوقتي ...وهيزعل لما يشوفك كده ....

منال : .........نفسي اروح ليه

بيري : متقوليش كده .. ربنا يرحمه ....هاقوم اجيب ليكي حاجه تشربيها...علشان تهدي

منال : يارب يرحمه ....ماشي

و صوت قريب منها تعرفه جيدا ...ولكن في ركن مبنى الكليه

-انت يا زفت ...الواد مات اعمل فيكم ايه

-قولتك احنا ملناش دعوه...

-اما مين يا متخلف انت وهو ....انا قولت ت**روه ...خالص .. لكن انتم قتلتوه

-والله ما نعرف ....احنا عملنا زي ما قولت لينا ...جبنا العيال علشان يض*بوه ...بس موضوع العربية ...ده اه كنا هنعمله ....بس

فلاش باااااااااااااك

-انت يا ابني ...العربيه فين

-هو قالنا في الجراج اللي جنب الكليه ..

- ما تكلمه .

- كلمته و قال انها هنا .

-طيب ...و هنعمل ايه؟

-مفيش اننا هنرجع بالاكل بسرعه ...لحد مانشوف الحكايه ايه

- ده هيطلع عينيا

-واحنا مالنا ....هو يحتاج نخوف واحد ...نقوم نض*به ونخبطه بعربية ...لو مات ...نشيلها ... نسيبه على قد الض*ب واحنا مفهمين العيال ...ض*ب خفيف وخلاص ..بدل ما نشيلها..واحنا ماشين وراه زي الهبل

-علشان فلوسه يا عبقري هواللي بيدفع تمن الكيف بعد ما ابويا وابوك ....اتبروا مننا ...علشان مزاجنا

-الكيف بيذل ..واحنا مالنا بيهم هم الاتنين ...يلا علشان نجيب الاكل .

- يلا .

باااااااااااااااااك

منال تتسمع ومصدومه من كلامهم

-انتم الاتنين شكل الم**رات لحست دماغهم..

-لا والله ابدا ...ده كل اللي حصل

- طيب يا زفت انت وهو....ولا تقولوا حاجه من الكلام ده لحد مانشوف ايه اللي هيحصل ....والعيال دي تختفي خالص ....

وعارفين لو طلع الكلام ده كدب ....هاعمل فيكم ايه ؟

الاتنين برعب : ايه ...؟

- هابلغ عنكم ...وانتم بسم الله ماشاء الله ....م**رات وغيره

- ما انت معانا

- لا مش معاكم ...هاتوا اللي يثبت ...اللي انتم بتقولوا عليه

- يعني ايه ؟

- معايا ليكم شويه فيديوهات و انتم بتشربوا ...و

غيره ...يعني لو حد فكر على غدر ...هيشيلها هو

- حاضر ...مش هنفتح بوقنا

- اصبروا بقى لحد ما المصيبة دي ...تخلص

و فجاه .....منال هجمت على لؤي ...اه يا حيوان ...بتقتل اخويا علشان ض*بك قدام الكليه ....كان عنده حق ....قالي لما قال عليك زباله ...ده انت طلعت .....و ض*بت لؤي

مسك ايديها و صعفها ...و وقعت في الارض ...وانفها و فمها ينزف

لؤي : مين ده اللي ....انا على الاقل ظاهر ...لكن انتي بسم الله ماشاء ...لازقه لينا في الراحه و الجايه ...انت فاكره ان حد عدل ممكن يبص ليكي ...انتي اخرتك تلبسي هدوم الزباله بتاعته بيري ..و حتى لو حد بصلك يبقى علشان ماشيه معانا .....فوقي يا ماما ...و شوفي نفسك بتكلمي مين ...ده ادفنك و احلف ان ربنا ما خلقك ....عايزه تبلغي بلغي ....و لا في دليل على الكلام ده ....يعني مش هتعرفي تعملي حاجه ...و يلا يا بت من هنا ...

منال : حسبي الله ونعم الوكيل ....فيك يا شيخ

لؤي : اقعدي ادعي للصبح

منال فقدت الوعي من الضرب

بااااااااااااااااااااااااااااااااااااااااااااااااااااااااااك

سارة : كل ده حصل ........

منال : و بعد كده حد و داني المستشفى ...و بعدين جيت على هنا

مليكه بغضب : نهار ابوه و اللي خلفوه سوده على دماغه

...نامي دلوقتي ....وخرجت و قفلت الباب

سارة : هتعملي ايه ؟

مليكة : ...مش عارفه ...و حتى لو بلغت ...مفيش دليل ...حتى كلامها ميثبتش حاجه خالص ...

سارة : بس في حاجه مش فاهمها

مليكة : ايه ؟

سارة : طالما لؤي ...اللي بعت اللي ض*بوه ...اما مين اللي خبطه بالعربية

مليكة : ماهو ده السؤال ؟مين اللي عايز يقتله و لؤي يشيلها ؟

سارة : ما تكلمي سليم ...يمكن يساعدنا

مليكة بأسف : مش هينفع ......اصل

سارة : عملتي ايه يا آخرة صبري

مليكة : ض*بته بالقلم

سارة بمفاجأة : يا جبروتك يا شيخة ....ليه عملك ايه

مليكة :.........و حكت اللي حصل

سارة : ابشرك ...انتي هتعنسي....جنبي ....يا بنتي حرام عليكي الواد شكله واقع ...تدي ليه بالقلم و تقولي ليه انا معقدة ...يخربيتك مخك .....ليه ايد*ك سابقة مخك

مليكة : يعني اعمل ايه دلوقتي .....

سارة : مش عارفه ...بس هافكر .......مش بتقولي كان خايف عليكي

مليكة بغباء : اه ...ليه ؟

سارة : ايه رايك نخليه ....يخاف بجد .....

مليكة : اوعي تقولي ...هتقتليني

سارة بتخبط ايديها على دماغها : ياربي غ*ية من يومك ...انا نفسي افهم رجالة بشنبات بيخافوا منك ازاي .....

مليكة : يعني هتعملي ايه ؟

سارة : هاقولك ...................

**********************************************

في غرفة ذات جدران بيضاء .......يجلس هذان الاتنان أحدهما على سرير والآخر على المكتب ....فعمر يعيش مع سليم و والدته بعد سفر والديه للخارج

عمر : تصدق ....لا بجد

سليم : ايه ؟

عمر: البت عندها حق تلسعك بالقلم ....هي تعرفك يا بني ادم

سليم : ايوه ...

عمر : يا ابني ...دي تعرفك من حوالي اكتر من ٢٠ سنه ....هتعرفك ازاي ..

سليم :المفروض ....اعمل ايه دلوقتي

عمر بضحك : هو القلم كان جامد

سليم : أيدها تقيلة ......

عمر بضحك : تستاهل ...على كل الض*ب اللي اخدته منك تستاهل

سليم : دلوقتي انا عايز اكلمها و اعرفها أنها غلطانه

عمر : هو انتي فرحان بالض*ب يا بني .......عشت اليوم اللي اشوفك فيه واقع

سليم : عقبالك .....

عمر بهيام : ما انا وقعت ....وهي لقيتني

سليم : اوبس ....مين بقى

عمر : مفيش ....يا سيدي ...واحده خبطت فيها يوم القضية بتاعته ياسين ....و من ساعتها و انا مش قادر انسى

سليم : تعرف اسمها

عمر : ملحقتش جريت

سليم : يا سيدي ....سيبك دلوقتي من اللي انتي فيه اعمل ايه مع مليكة

عمر : هاقولك ....اول حاجه اللي زي مليكة مش بتجي بالعند ...بتجي براحة ...و تتكلم معاها ...هتعند ..بسيطة هتقعد في المستشفى ...بس كده .....تتكلم معاها ...تتعامل معاها انها بنوته طفلة ...هتلاقي واحده تانيه ....عبده موته دي اللي بيضايقها .....بس انا عارف انك مش هتفهم حاجه ...لانك دبش ....ودماغك جذمة ....تحسساها انك امان ...سند ليها ...ظهر كده يا بني ادم

سليم : شكرا ....اعمل ايه بقى

عمر : بص هو منظرك هيبقى زبالة لو كلمتها ....فاحنا نخليها ..هي اللي تكلمك

سليم : هنعملها ازاي يا فالح ...

عمر بضحك : هنقولها انك موت ومش هتسامحها ....هههههه

سليم : دي واحده ض*باني بالقلم ...أقوم اقولها مش مسامحك

عمر : هو انا ليه حاسس انك معتز اوي بالقلم ...دي فضيحة ويا سلام لو صافي عرفت هههههههه

سليم بغيظ : اولا انا محروق دمي من ساعتها ...ثانيا لو صافي عرفت وقعتي سودة ...هاتفضح على الفيس وهابقى ترند الموسم

عمر : هتقولي ....بص هافكر فيها كده ...بس يمكن تحصل معجزة وتتصل بيك

سليم بتهكم : ماهي فعلا معجزة

يتبع ......