CHAZZY
Mas lalo akong hindi nakakilos nang binaling ni Mommy at Daddy ang tingin sa akin. Blangko ang utak ko sa mga oras na ito at hindi alam kung paano ako magpapaliwanag.
Kanina lang ay sinabi ko kay Mommy na walang namamagitan sa amin ni Thomas. Pero ngayon, malinaw na narinig ng mga magulang ko ang sinabi niya. Iniisip ko tuloy na parang gusto talaga niya akong ilagay sa komplikadong sitwasyon. At para hindi na rin ako makatanggi na maging fiancée niya. Pero sana, bago siya nagbitiw ng salita, inisip muna niya ang posibleng kahihinatnan. At sana, hindi puro sarili niya ang iniisip niya.
Akala ko ay maayos ang pag-uusap namin kanina. Ilang beses ko siyang pinaalalahanan na ‘wag sabihin sa magulang ko, pero hindi siya nagpapigil. Which, in the first place, ang usapan ay magpapangga
