CHAPTER 8
AMBER
Malakas na ang loob ni Stella na pakitaan ako nang kagaspangan ng kaniyang ugali. Dahil alam niyang galit din sa akin si Paolo. Na kahit ano’ng gawin niya sa akin ay siya pa rin ang kakampihan nito. Hindi naman ako nagpapaapekto. Sa dinami-rami nang napanood kong telenobela na katulad na katulad niya ang ugali ng isang kontrabida. Alam ko na ang gagawin ko. Kaya hangga’t maaari ay umiiwas ako. Sumusunod sa mga inuutos nito.
Laking pasalamat ko dahil sa tuwing pinagsasabihan ako nito nang masasakit na salita’y wala si Queeny sa tabi namin. At nagpapasalamat din ako dahil hindi kami magkakasama tuwing umaga hanggang hapon dahil pareho silang nasa trabaho. Ngunit ngayong araw ay wala siyang pasok at may business meeting naman si Paolo sa isang investor. Kaya kaming dalawa n
