CHAPTER 9
-
AMBER
Dalawang oras akong hindi mapakali sa loob ng aking kuwarto. Hindi ko alam kung ano'ng gagawin ko. Natatakot akong lumabas. Nag-aalala na nga rin ako para kay Queeny. Kanina pa tapos ang klase nila at alam kong hinihintay ako ng anak ko. Ngunit natatakot akong lumabas lalo pa't binantaan ako ni Paolo.
Wala rin naman akong cell phone na puwedeng itawag sa school ni Queeny. Wala rin akong kilala na puwedeng hingian ng tulong na kunin muna ang anak ko.
Napapakagat ako sa aking labi dahil sa kaba. Hindi humuhupa ang bilis ng t***k ng aking puso. Natatakot ako. Takot na takot sa possibleng mangyari. Papaano nga kung hindi lang nawalan ng malay si Stella at ma-comatose ito? Posible namang mangyari iyon lalo pa't ang ulo nito ang tumama sa kanto ng mesa. Gustuhin ko mang pu
