Chapter 12
-
AMBER
Malayo pa lang kami sa bahay ni Paolo, tanaw ko na ang kotse nito. Nang makalapit ay sakto namang bumukas ang pinto ng kotse kung saan lumabas doon si Paolo. Sa kabila naman ay si Stella. Bumaba ako sa motor ni Sir Jaromir, ganoon din ang ginawa niya. Tinanggal ang helmet at saka tumingin sa harapan. Kung saan ngayo'y nasa amin na ang buong atensiyon nilang dalawa.
"Paolo dude!" sabi ni Sir Jaromir at nilapitan si Paolo. Nakipagkamay siya rito na malugod namang tinanggap ni Paolo. Ngunit ang mga mata nito'y nasa direksiyon ko. Hindi ko mawari kung ano'ng tumatakbo sa isipan niya.
"Mr. Jaromir Robinson, I didn't know you're here," bigla namang sabi ni Stella kaya tumingin si Sir Jaromir sa kaniya.
Hindi ko ito inaasahan. Na magkakilala pala silang tatlo. Alam kong
