“Opo, nay. Uuwi rin po ako kapag okay na po ang lahat. Miss na miss ko na rin po kayong lahat.” Ang sabi ni Alona sa kanyang nanay na kausap niya sa pamamagitan ng luma niyang cellphone na de keypad. Samantalang si Glenda na may mamahaling iphone ay walang pag-aalinlangan na ibinato lang ang cellphone sa pader.
“Bakit ba ayaw mong mag day off kahit isang beses lang? Baka naman nag-asawa ka na riyan, anak? Baka naman kaya ayaw mong umuwi ay dahil buntis ka na?” hinala pa ng nanay ni Alona sa kanya kaya naman bahagyang natawa ang dalagang kasambahay.
“Nay, alam niyong may mga pangarap ako, hindi po ba? Alam niyong malayo sa isip ko ang pagkakaroon ng kasintahan o ng asawa kaya naman wala po huwag po kayong mag-alala at wala po sa isip ko ang bagay na yan. Narito po ako para mangatulong par
