SINALUBONG NI Janica si Faith sa lobby ng hotel na tinutuluyan nito at ni Patrick.
“Nasa itaas siya. Umiinom na naman.” Malungkot itong napailing. “Ang sabi ko sa kanya ay lalabas lang ako sandali. Here’s the key. Kung hindi niya maririnig ang pagkatok mo, gamitin mo na ito.”
“Maraming salamat, Janica,” buong-pusong sambit niya.
“Alam ko namang mas sasaya sa iyo si Patrick kaya kahit masakit sa akin, nagpaparaya na ako.”
“Janica, hindi mo ba naisip na baka mag-uusap lang kami? Nag-asawa na ako, di ba?”
“Nagtanong-tanong ako, Faith. Matagal ka na palang hiwalay sa lalaking pinakasalan mo. At sa panahon ngayon, hindi naman imposible ang annulment. And I know Patrick. Kung gugustuhin ka niyang bawiin, gagawin niya ang lahat ng paraan para magkabalikan kayo.”
Lumakas ang loob niya sa nar
