Nanginginig ang buong katawan ko habang lumalapit sa gitna. Para akong sinasaksak ng paulit-ulit habang paulit-ulit naririnig ang sinasabing Mr. and Mrs. Almeda. Ang hindi ko matanggap buntis din ito. Ito ba ang dahilan bakit lagi siya nandito?
"T-Theros... " Mahinang tawag ko sa kanya. Halos hindi ko na makita ang daanan dahil puno ng luha ang ang aking mga mata. Maya-maya pa ay sumunod na din sa akin sina Besty Cel at Condrad.
"Dar-------." Tanging nasambit niya. Kumapit ng mahigpit si Maureen sa kanya. Hindi ko alam ang nangyari bakit kontralado siya ng babaeng iyan.
"Ano ang ginagawa mo dito. Ilabas niyo na ang kaibigan niyo," saad ni Tito Thyrex sa mga kaibigan ko.
"T-Tito gusto ko makausap si Theros. P-Paano ang anak natin? T-Theros bakit mo ginawa sa akin ito? Niloko mo ako." Y
